Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້93
mod_vvisit_counterມື້ວານ0
mod_vvisit_counterອາທິດນີ້93
mod_vvisit_counterອາທິດແລ້ວນີ້606
mod_vvisit_counterເດືອນນີ້1488
mod_vvisit_counterເດືອນແລ້ວນີ້1576
mod_vvisit_counterລວມທັງຫມົດ145877

Online (20 minutes ago): 4
Your IP: 54.158.55.5
,
Today: ຕ. ລ. 23, 2017

Who's Online

ເຮົາມີ 38 ບຸກຄົນທົ່ວໄປ ອອນໄລນ
ຍິນດີຕ້ອນຮັບ ເຂົ້າສູ່ເວບໄຊ ຂອງ ພະແນກ ຊັບພະຍາກອນ ທຳມະຊາດ ແລະ ສິ່ງແວດລ້ອມ ແຂວງ ຈຳປາສັກ
ພິທີ ມອບ-ຮັບ ໃບຢັ້ງຢຶນການຮ່ຳຮຽນກົດລະບຽບພັກປະຊາຊົນປະຕິວັດລາວສະໄໝທີ X PDF ພິມ ອີເມລ
ຂຽນໂດຍ ສົມພະວົງ ຈັນທະວົງ, ຂະແໜງຂໍ້ມູນ-ຂ່າວສານ   
ມື້ສຸກທີ່ 20 ຕຸລາ 2017 ເວລາ 09: 40

 

ໃນວັນທີ 18 ຕຸລາ 2017, ເວລາ 14:00 ໂມງ ຢູ່ທີ່ຫ້ອງປະຊຸມພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຈຳປາສັກ, ໄດ້ຈັດພິທີ ມອບ-ຮັບ ໃບຢັ້ງຢືນການຮ່ຳຮຽນກົລະບຽບພັກປະຊາຊົນປະຕິວັດລາວ ສະໄໝທີ X, ໂດຍການເປັນປະທານຂອງທ່ານ ຈັນທະບູນ ສີປະເສີດ, ຄະນະປະຈຳປະທານກວດກາພັກ, ຮອງຫົວໜ້າ ພຊສ ແຂວງຈຳປາສັກ ມອບໃຫ້ແກ່ມະຫາຊົນກ້າວໜ້າພາຍໃນຮາກຖານພັກ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຈຳປາສັກ ຈຳນວນ12 ສະຫາຍ, ຍິງ 4 ສະຫາຍ, ເຊິງມີຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກ ທີ່ຂື້ນກັບຮາກຖານ ພຊສ ເຂົ້າຮ່ວມຢ່າງພ້ອມພຽງ.

 
ກອງປະຊຸມປະເມີນວຽກງານແມ່ຍິງປີ 2017 PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 16 ຕຸລາ 2017 ເວລາ 09: 39

​​​ວັນ​ທີ 11 ຕຸລາ 2017  ​ເວລາ 8:30 ​ໂມງ, ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​​ເປີດ​ກອງ​ປະຊຸມ​ປະ​ເມີນ​ການຈັດ​ຕັ້ງ​ປະຕິບັດ​ວຽກ​ງານ​ໃນ​ໄລຍະ​ມາ​ຂອງ​ຮາກ​ຖານ​ສະຫະພັນແມ່ຍິງລາວຂອງ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ປະ​ຈໍາປີ 2017 ໂດຍການເປັນປະທານຮ່ວມຂອງ ສະຫາຍ ຈັນທະ​ບູນ ສີ​ປະ​ເສີດ ຄະນະພັກ ຮາກຖານ, ຮອງຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ ​ແລະ ທ່ານ ນາງ ​ເຕລາ​ວັນ ​ແກ້ວ​ພິລາ​ວັນ ຮອງປະທານສະຫະພັນແມ່ຍິງແຂວງ​, ແລະ ທ່ານ ນາງ ວິໄລ ເຮືອງສີ ປະທານຮາກຖານສະພັນແມ່ຍິງ ພະແນກ ຊສ ມີອົງການ​ຈັດ​ຕັ້ງ​ມະຫາຊົນ, ພ້ອມ​ດ້ວຍ​ເອື້ອຍ​ນ້ອງ​ແມ່ຍິງ​ພາຍ​ໃນ​ພະ​ແນ​ກເຂົ້າ​ຮ່ວມ​ຢ່າງ​ພ້ອມພຽງ.

​ກອງ​ປະຊຸມ​ໄດ້​ຮັບ​ຟັງ​ການ​ລາຍ​ງານ​ຜົນ​ການຈັດ​ຕັ້ງ​ວຽກ​ງານ​ໃນ​ໄລຍະ​ຜ່ານ​ມາ ​ແລະ ທິດ​ທາງ​ຕໍ່ໜ້າ ​ສະ​ເໜີ​ໂດຍ ສະຫາຍ ນາງ ອອນ​ອຸ​ມາ ​ແກ້ວ​ສະໜິດ ຮອງຮາກ​ຖານສະຫະພັນແມ່ຍິງພະ​ແນ​ກ ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ຈາກ​ນັ້ນ, ກໍ່​ໄດ້​ຮັບ​ຟັງ​ການ​ໂອ້​ລົມ​ຂອງ ​ ທ່ານ ນາງ ​ເຕລາ​ວັນ ​ແກ້ວ​ພິລາ​ວັນ ຮອງປະທານສະຫະພັນແມ່ຍິງແຂວງ​, ກ່ອນ​ອື່ນ​ທ່ານ​ກໍ່​ໄດ້​ຍ້ອງຍໍ​ຊົມ​ເຊີຍ​ຕໍ່ໝາກຜົນໆ​ທີ່​ຍາດ​ມາ​ໄດ້ ​ແລະ ກໍ່​ໄດ້​ໃຫ້​ທິດ​ຊີ້​ນໍາ​ດັ່ງ​ນີ້: ​ໃຫ້​ເອົາ​ໃຈ​ໃສ່​ສຶກສາ​ອົບຮົມ​ທາງ​ດ້ານ​ການ​ເມືອງ-​ແນວ​ຄິດ​ໃຫ້​ແກ່​ເອື້ອຍ​ນ້ອງ​ແມ່ຍິງ​ທີ່ຢູ່​ໃນ​ຄວາມ​ຮັບຜິດຊອບ​ຂອງ​ຕົນ​ໃຫ້​ເປັນ​ປົກກະຕິ, ​ ​​ເພື່ອ​ສ້າງ​ໃຫ້​ໄດ້​ຄວາມ​ສາມັກຄີ ​ແລະ ຮອດ​ຄອງ​ປະ​ເພນີ​ລາວ.

ກອງ​ປະຊຸມ​ໄດ້​ດໍາ​​ເນີນມາ​ເຖິງ​ເວລາ 12:00 ​ໂມງ​, ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 

 
ກອງປະຊຸມການເຄື່ອນໄຫວຊຸກຍູ້ວຽກງານຈັດຕັ້ງ-ພະນັກງານ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 16 ຕຸລາ 2017 ເວລາ 09: 07

ວັນ​ທີ 10 ຕຸລາ 2017 ​ເວລາ 9:00 ​ໂມງ, ຢູ່​ທີ່​ຫ້ອງ​ປະຊຸມ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ໂດຍ​ການ​ເປັນ​ປະ​ທ່ານ​ຮ່ວມ​ຂອງ​​ທ່ານ​ ​ໄຊ​ຍະ​ເວດ ວິ​ໄຊ, ຄະນະ​ພັກກະຊວງ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ຫົວໜ້າ​ກົມ​ຈັດ​ຕັ້ງ​-ພະນັກງານ​ ​​​ແລະ ທ່ານ ສຸປານີ ສີ​ລິປຸ​ນ​ໂຍ ກໍາມະການ​ພັກ​ແຂວງ, ​ເລຂາ​ຄະນະ​ພັກ​ຮາກ​ຖານ, ຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ໃນ​ພິທີ​ດັ່ງກ່າວ​ມີ​ຄະນະ​ພັກ, ຄະນະ​ພະ​ແນ​ກ, ຫົວໜ້າ,ຮອງ​ຫ້ອງການ​ຊັບ 10 ​ເມືອງ, ຫົວໜ້າ, ຮອງຂະ​ແໜງ​ການ​ອ້ອມ​ຂ້າງ​ພະ​ແນ​ກ  ພາຍ​ໃນ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມແຂວງ, ​​ເຂົ້າ​ຮ່ວມ​ຢ່າງ​ພ້ອມພຽງ.

​        ໃນ​ກອງ​ປະຊຸມ​​ໄດ້​ຮັບ​ຟັງ​ການ​ລາຍ​ງານ​ຜົນການ​ເຄື່ອນ​ໄຫວ​ວຽກ​ງານ​ຈັດ​ຕັ້ງ-ກວດກາ​ໃນ​ໄລຍະ​ຜ່ານ​ມາ ​ແລະ ທິດ​ທາງ​ຕໍ່ໜ້າ, ​ສະ​ເໜີ​ໂດຍ​ທ່ານ ຈັນທະ​ບູນ ສີ​ປະ​ເສີດ ຄະນະ​ພັກ​ຮາກ​ຖານ, ຮອງຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ຈາກ​ນັ້ນ, ທ່ານຫົວໜ້າ​ກົມກໍ່ສະ​ແດງ​ຄວາມ​ຊົມ​ເຊີຍ​ຕໍ່ກັບ​ຜົນງານ​ທີ່​ທາງ​ພະ​ແນ​ກຊັບ​ໄດ້​ຈັດ​ຕັ້ງ​ປະຕິບັດ​ຜ່ານ​ມາ ​ຕໍ່ມາ​ທ່ານ​ຫົວໜ້າ​ກົມກໍ່​ໄດ້​ເຜີຍ​ແຜ່ພາລະ​ບົດບາດ​ຂອງ​ກະຊວງ​ຊັບ, ພະ​ແນ​ກຊັບ ​ແລະ ຫ້ອງການ​ຊັບ ຕໍ່ທີ່​ປະຊຸມ​ຮັບ​ຊາບ.

​                ກອງ​ປະຊຸມ​ໄດ້​ດໍາ​ເນີນ​ມາ​ເຖິງ​ເວລາ 11:30 ​ໂມງ, ກໍ່​ໄດ້​ຊິ້ນ​ສຸດ​ລົງ​ຢ່າງ​ເປັນ​ທາງ​ການ.

 

 
​ພິ​ທີ​ໂອ້​ລົມ​ຂອງ​ທ່ານ​ຮອງ​ເຈົ້າ​ແຂວງ PDF ພິມ ອີເມລ
ຂຽນໂດຍ ບຸນ​ພັກ ຈັນ​ຫລ້າ​ນ້ອຍ   
ມື້ພະຫັດທີ່ 28 ກັນຍາ 2017 ເວລາ 10: 45

ໃນ​ວັນ​ທີ 27 ກັນ​ຍາ 2017 ​ເວ​ລາ 14:30 ຢູ່​ທີ່​ຫ້ອງ​ປະ​ຊຸມ​ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ, ໄດ້​ເປີດກອງ​ປະ​ຊຸມ​ຮັບ​ຟັງ​ການ​ໂອ້​ລົມ​ຂອງ ທ່ານ ບົວ​ສອນ ວົງ​ສອງ​ຄອນ ຄະ​ນະ​ປະ​ຈຳ​ພັກ​ແຂວງ, ຮອງ​ເຈົ້າ​ແຂວງໆ ຈຳ​ປາ​ສັກ ​ທີ່​ເຄື່ອນ​ໄຫວ​ຊຸກ​ຍູ້​ວຽກ​ງານ​ການ​ເກັບ​ລາຍ​ຮັບ​ເຂົ້າ​ງົບ​ປະ​ມານ​ປະ​ຈຳ​ປີ 2017, ເຊີ່ງ​ມີ​ ຄະ​ນະ​ພັກ, ຄະ​ນະ​ພະ​ແນກ, ​ຂະ​ແໜງ​ພ້ອມ​ດ້ວຍ​ພະ​ນັກ​ງານ-ລັດ​ຖະ​ກອນ​ເຂົ້າ​ຢ່າງ​ພ້ອມ​ພຽງ.

ໃນ​ທີ່​ປະ​ຊຸມ​ໄດ້​ຮັບ​ຟັງ​ການ​ຜ່ານ​ບົດ​ສະ​ຫລຸບ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ໃນ​ໄລ​ຍະ 9 ເດືອນ ແລະ ທິດ​ທາງ 3 ເດືອນ ສະ​ເໜີໂດຍ​ທ່ານ ສຸ​ປາ​ນີ ສີ​ລິ​ປຸນ​ໂຍ ກຳ​ມະ​ການ​ພັກ​ແຂວງ, ເລ​ຂາ​ຄະ​ນະ​ພັກ​ຮາກ​ຖານ, ຫົວ​ໜ້າ​ພະ​ແນກ ຊ​ສ.

ຕອນ​ທ້າຍກອງ​ປະ​ຊຸມ​ທ່ານ​ຮອງ​ເຈົ້າ​ແຂວງ​ຍັງ​ໄດ້​ຊີ້​ນຳ​ໃຫ້​ແກ່​ພະ​ແນກ ຊ​ສ ເອົາ​ໃຈ​ໃສ່​ບາງວຽກ​ງານ​ດັ່ງ​ນີ້:

â ຕ້ອງ​ເອົາ​ໃຈ​ໃສ່​ສຶກ​ສາ​ອົບ​ຮົມ​ທາງ​ດ້ານ​ການ​ເມືອງ​ແນວ​ຄິດ, ເພື່ອ​ສ້າງ​ໃຫ້​ໄດ້​ຄວາມ​ສາ​ມັກ​ຄີ​ເປັນ​ປຶກ​ແຜ່ນ​ແໜ້ນ​ໜາ, ເພື່ອ​ເຮັດ​ສຳ​ເລັດ​ໜ້າ​ທີ່​ວຽກ​ງານ​ຕາມ​ການ​ຈັດ​ຕັ້ງ​ມອບ​ໝາຍ​ໃຫ້ ແລະ ໃຫ້​ເອົາ​ໃຈ​ໃສ່​ຈັດ​ຕັ້ງ​ປະ​ຕິ​ບັດ​ວຽກ​ງານ​ວິ​ຊາ​ສະ​ເພາະ​ດັ່ງ​ນີ້:

-       ໃຫ້​ເອົາ​ໃຈ​ໃສ່​ວຽກ​ງານ​ການ​ຄຸ້ມ​ຄອງ​ທີ່​ດິນ​ໃຫ້​ເຂົ້າ​ສູ່​ລະ​ບຽບ​ກົດ​ໝາຍ.

-       ເອົາ​ໃຈ​ໃສ່​ວຽກ​ງານ​ຄຸ້ມ​ຄອງ​ສິ່ງ​ແວດ​ລ້ອມ

-       ເອົາ​ໃຈ​ໃສ່​ວຽກ​ງານ​ຄຸ້ມ​ຄອງ​ຊັບະ​ຍາ​ກອນ​ນ້ຳ, ແຫລ່ງ​ນ້ຳ.

-       ເອົາ​ໃຈ​ໃສ່​ວຽກ​ງານ​ຄວບ​ຄຸມ​ໄພ​ພິ​ບັດ.

-       ເອົາ​ໃຈ​ໃສ່​ວຽກ​ງານ​ຈັດ​ສັນ ແລະ ພັດ​ທະ​ນາ​ທີ່​ດິນ.

 

 
ກອງ​ປະ​ຊຸມ​ປຶກ​ສາ​ຫາ​ລື​ວຽກ​ງານ 3 ສ້າງ PDF ພິມ ອີເມລ
ຂຽນໂດຍ ບຸນ​ພັກ ຈັນ​ຫລ້າ​ນ້ອຍ   
ມື້ພະຫັດທີ່ 28 ກັນຍາ 2017 ເວລາ 10: 38

ໃນ​ວັນ​ທີ 21 ກັນ​ຍາ 2017 ​ເວ​ລາ 13:30 ຢູ່​ທີ່​ຫ້ອງ​ປະ​ຊຸມ​ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ, ໄດ້​ເປີດກອງ​ປະ​ຊຸມ​ຄົ້ນ​ຄ້​ວາ​ປຶກ​ສາ​ຫາ​ລື​ປະ​ກອບ​ຄຳ​ຄິດ​ເຫັນ​ໃສ່​ຮ່າງ​ແຜນ​ດຳ​ເນີນ​ງານ​ວຽກ​ງານ 3 ສ້າງ​ແຕ່ນີ້​ຮອດ​ປີ 2020 ຂອງ​​ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ, ໂດຍ​ການ​ໃຫ້​ກຽດ​ເປັນ​ປະ​ທານ​ຂອງ​ທ່ານ ສຸ​ປາ​ນີ ສີ​ລິ​ປຸນ​ໂຍ ກຳ​ມະ​ການ​ພັກ​ແຂວງ, ເລ​ຂາ​ຄະ​ນະ​ພັກ​ຮາກ​ຖານ, ຫົວ​ໜ້າ​ພະ​ແນກ ຊ​ສ, ເຊີ່ງ​ມີ​ຕາງ​ໜ້າ​ພະ​ແນກ​ພາຍ​ໃນ, ຄະ​ນະ​ພັກ, ຄະ​ນະ​ພະ​ແນກ, ຫົວ​ໜ້າ​ຂະ​ແໜງ​ອ້ອມ​ຂ້າງ​ພະ​ແນກ​ເຂົ້າ​ຮ່ວມ​ຢ່າງ​ພ້ອມ​ພຽງ.

 

 
ພິທີມອບ-ຮັບເຄື່ອງມືສໍາຫລວດ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 25 ກັນຍາ 2017 ເວລາ 09: 20

ວັນ​ທີ 19 ​ກັຍາ 2017  ​ເວລາ 8:30 ​ໂມງ, ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ຈັດ​ພິທີ​ມອບ-ຮັບ ​ເຄື່ອງມື​ການ​ສໍາຫລວດວັດແທກຄື: ກອງ GPS RTK  ​ໃຫ້​ແກ່​ຫ້ອງການ​ຊັບພະຍາກອນ​ທໍາ​ມະ​ຊາດ ແລະສິ່ງ​ແວດ​ລ້ອມ 9 ຕົວ​ເມືອງ, ​ເພື່ອ​ນໍາ​ໃຊ້​ເຂົ້າ​ໃນ​ວຽກ​ງານ​ສໍາ​ຫລວດ​ວັດ​ແທກ ຂຶ້ນທະບຽນທີ່ດິນ, ອອກ​ໃບ​ຕາດິນ, ພິມີ​ດັ່ງກ່າວໂດຍການ​ເປັນປະທານຂອງ ທ່ານ ສຸປານີ ສີ​ລິປຸ​ນ​ໂຍ ກໍາມະການ​ພັກ​ແຂວງ, ​ເລຂາ​ຄະນະ​ພັກຮາກ​ຖານ, ຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ ​ເຊີ່ງມີ​ທ່ານ​ເຈົ້າ​ເມືອງ, ຮອງ​ເຈົ້າ​ເມືອງ, ຄະນະ​ພັກ​, ຄະນະ​ພະ​ແນ​ກ, ຄະນະຂະ​ແໜງ​ການອ້ອມ​ຂ້າງ​ພະ​ແນ​ກ, ຄະນະ​ຫ້ອງການ​ຊັບ 9 ຕົວ​ເມືອງ ພ້ອມ​ດ້ວຍ​ພັກ​ງານວິຊາ​ການ​ກ່ຽວຂ້ອງພາຍໃນພະແນກຊັບ ເຂົ້າຮ່ວມຢ່າງພ້ອມພຽງ.

 
ພິທີເປີດຝຶກອົບຮົມວຽກງານທີ່ດິ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ສຸກທີ່ 15 ກັນຍາ 2017 ເວລາ 11: 23

ວັນ​ທີ 23 ​ສິງຫາ 2017  ​ເວລາ 8:30 ​ໂມງ, ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ເປີດກອງປະຊຸມການ ຝຶກອົບຮົມທາງດ້ານວິຊາການໃຫ້ແກ່ ວຽກງານສໍາຫລວດວັດແທກ ແລະ ຂຶ້ນທະບຽນທີ່ດິນ, ໂດຍການ​ເປັນປະທານຮ່ວມຂອງ ທ່ານ ສຸປານີ ສີ​ລິປຸ​ນ​ໂຍ ກໍາມະການ​ພັກ​ແຂວງ, ​ເລຂາ​ຄະນະ​ພັກຮາກ​ຖານ, ຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ ແລະ ທ່ານ ຄິດລາໄຊ ກອກມີລາ ຫົວໜ້າພະແນກສໍາຫລວດ ວັດແທກ ແລະ ສ້າງແຜນທີ່ຕາດິນ, ກົມທີ່ດິນ, ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ມີ​ຄະນະ​ພັກ​, ຄະນະ​ພະ​ແນ​ກ, ຄະນະຂະ​ແໜງ​ການອ້ອມ​ຂ້າງ​ພະ​ແນ​ກ, ພ້ອມ​ດ້ວຍ​ພັກ​ງານລັດ-ຖະກອນພາຍໃນພະແນກ ​ແລະ ພະນັກງານ-ລັດຖະກອນ ຫ້ອງການ ຊສ ເມືອງ 10 ຕົວເມືອງ ເຂົ້າຮ່ວມຢ່າງພ້ອມພຽງ.

 
ກອງປະຊຸມເຊື່ອມຊຸມເອກະສານແຈ້ງຊັບສິນແລະລາຍຮັບ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພະຫັດທີ່ 10 ສິງຫາ 2017 ເວລາ 14: 47

​​​ວັນ​ທີ 10 ສິງຫາ 2017 ​ເວລາ 8:30 ​ໂມງ, ຢູ່​ທີ່​ຫ້ອງ​ປະຊຸມ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ໄດ້​​ຈັດພິທີ​ເຊືອມ​ຊຸມ​ເອກະສານ​ແຈ້ງ​ຊັບ​ສິນ ​ແລ​ະ ລາຍ​ຮັບ ຄັ້ງ​ທີ II ​ໂດຍການ​ເປັນ​ປະທານ​ຮ່ວມຂອງ ທ່ານ ຄໍາ​​ໃບ ວົງ​ຈະ​ເລີ​ນ ຮອງເລຂາຄະນະຄະນະ ພັກຮາກຖານ, ຮອງ​ຫົວໜ້າ​ພະ​ແນ​ກ ຊັບພະຍາ ກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ​ແລະ ທ່ານ ສີ​ບຸນ​ຍັງ ຊາ​ທອງ​ຍົດ ຫົວໜ້າ​ຂະ​ແໜງ​ຕ້ານ​ການ​ສໍ້​ລາດ​ບັງ​ຫລວງ, ເຊີ່ງມີຄະນະ​ພັ​ກ, ຄະນະພະ​ແນ​ກ ​ແລະ ພະນັກງານ-ລັດຖະກອນ ​​ເຂົ້າ​ຮ່ວມ ຢ່າງ​ພ້ອມພຽງ.

​        ​ກອງ​ປະຊຸມ​​ໄດ້​ຮັບ​ຟັງ​ການ​ບັນ​ລະ​ຍາຍ​ເອກະສານ​ກ່ຽວກັບ​ການ​ແຈ້ງ​ຊັບ​ສິນ ​ແລະ ລາຍ​ຮັບ​ຈາກ ທ່ານ ສີ​ບຸນ​ຍັງ ຊາ​ທອງ​ຍົດ ຫົວໜ້າ​ຂະ​ແໜງ​ຕ້ານ​ການ​ສໍ້​ລາດ​ບັງ​ຫລວງ, ພ້ອມ​ທັງ​ໄດ້​ຮັບ​ຟັງ​ການ​ຊີ້​ແຈງ​ວິ​ທີ​ການ​ຂຽນລົງ​ໃນ​ແບບ​ຟອມການ​ແຈ້ງ​ຊັບ​ສິນ ​ແລະ ລາຍ​ຮັບ​, ຈາກ​ຄະນະ​ວິຊາ​ການ​ຂັ້ນ​ແຂວງ; ກອງ​ປະຊຸມ​ດໍາ​ເນີນ​ມາ​ເຖິງເວລາ  12:00 ​ໂມງ, ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 

 

 
ກອງປະຊຸມຊຸກຍູ້ວຽກງານຊັບພະຍາກອນທໍາມະຊາດ ແລະ ສິງແວດລ້ອມ ເມືອງ ສຸຂຸມາ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພະຫັດທີ່ 10 ສິງຫາ 2017 ເວລາ 14: 43

​​​ວັນ​ທີ 8 ສິງຫາ 2017  ​ເວລາ 9:00 ​ໂມງ, ຢູ່​ທີ່ຫ້ອງການຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ ​ເມືອງ ສຸຂຸມາ, ແຂວງ ຈໍາປາ​ສັກ, ​ໄດ້​​ເປີດ​ກອງ​ປະຊຸມ​ປຶກສາ​ຫາລື​ກ່ຽວກັບ​ການຈັດ​ຕັ້ງ​ເຄື່ອນ​ໄຫວ​ວຽກ​ງານ​ຮອບດ້ານ​ໃນ​ໄລຍະ 6 ​ເດືອນ ​ແລະ ທິດ​ທາງ​ຕໍ່ໜ້າ ໂດຍການ​ເປັນປະທານຮ່ວມ ຂອງ ທ່ານ ສຸປານີ ສີ​ລິປຸ​ນ​ໂຍ, ​​ກໍາມະການ​ພັກ​ແຂວງ, ​ເລຂາຄະນະ​ພັກ​ຮາກ​ຖານ, ຫົວໜ້າພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ​ ​ແລະ ທ່ານ ໜູ​ພັດ ສີ​ໄວ​ຍະ​ວົງ ຄະນະ​ປະ​ຈໍາ​ພັກ​ເມືອງ, ຮອງ​ເຈົ້າ​ເມືອງໆ ສຸຂຸມາ, ມີ​ຄະນະຂະ​ແໜງ​ການອ້ອມ​ຂ້າງ​ພະ​ແນ​ກ, ຄະນະ​ຫ້ອງການ, ພ້ອມ​ດ້ວຍ​ພັກ​ງານ-ລັດຖະກອນ ​ເຂົ້າ​ຮ່ວມ​ທັງ​ໝົດ 14 ຄົນ,ຍິງ 04 ຄົນ.

ທີ່​ປະຊຸມ​ໄດ້​ຮັບ​ຟັງ​ການ​ລາຍ​ງານ​ການ​ເຄື່ອນ​ໄຫວ​ວຽກ​ງານ​, ສະ​ເໜີ​ໂດຍ ທ່ານ ຈັນ​ສະໝອນ ຊະນະ​ມົນຕີ ກໍາມະການ​ພັກ​​ເມືອງ, ​ຫ້ອງ​ໜ້າ​ຫ້ອງການຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ເມືອງ, ຈາກ​ນັ້ນ​ຜູ້​ເຂົ້າ​ຮ່ວມ​ກອງ​ປະຊຸມ​ກໍ່​ໄດ້​ປະກອບ​ຄໍາ​ເຫັນ​ແລກປ່ຽນການ​ຈັດ​ຕັ້ງ​ປະຕິບັດ​ວຽກ​ງານ​ຂອງ​ຫ້ອງການ​ຊັບ​ເປັນ​ຕົ້ນ, ວຽກ​ງານ​ທີ່​ດິນ, ວຽກ​ງານ​ສິ່ງ​ແວດ​ລ້ອມ, ວຽກ​ງານ​ນໍ້າ, ວຽກ​ງານ​ໄພພິບັດ ​ແລະ ວຽກ​ງານ​ອື່ນໆ ທີ່​ກ່ຽວກັບ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ.

ຕອນ​ທ້າຍ​ກອງ​ປະຊຸມ, ຍັງ​ໄດ້​ຮັບ​ຟັງ​ການ​ໂອ້​ລົມ​ຂອງ​ທ່ານ ສຸປານີ ສີ​ລິປຸ​ນ​ໂຍ, ​​ກໍາມະການ​ພັກ​ແຂວງ, ​ເລຂາຄະນະ​ພັກ​ຮາກ​ຖານ, ຫົວໜ້າພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ກ່ອນ​ອື່ນ​ທ່ານ​ກໍ່​ໄດ້​ຊົມ​ເຊີຍ​ຕໍ່ຜົນງານ​ຂອງ ຫຊສ ​ເມືອງ ທີ່​ຍາດ​ມາ​ໄດ້​, ພ້​ອມນັ້ນ​ທ່ານ​ກໍ່ໃຫ້​​ເອົາ​​ໃຈ​ໃສ່ສຶກສາ​ອົມ​ຮົມ​ທາງ​ດ້ານ​ການ​ເມືອງ​ແນວ​ຄິດ​ ໃຫ້​​ແກ່​ຖັນ​ແຖວ​ພະນັກງານ​-ລັດຖະກອນ​ໃຫ້​ເປັນ​ປົກະ ຕິ, ພ້ອມ​ທັງ​ໃຫ້​ເອົາ​ໃຈ​ໃສ່​ຈັດ​ຕັ້ງ​ປະຕິບັດ​ວຽກ​ງານ​ວິຊາ​ສະ​ເພາະ​ເປັນ​ຕົ້ນ​ວຽກ​ງານ​ການ​ເກັບ​ລາຍ​ຮັບ​ວິຊາ​ການ​ເຂົ້າ​ງົບປະມານ​, ວຽກ​ງານ​ອອກ​ໃບ​ຕາດິນ ​ແລະ ຈັດ​ສັນ​ທີ່​ດິນ, ວຽກ​ງານ​ສິ່ງ​​ແວດ​ລ້ອມ, ວຽກ​ງານ​ນໍ້າ-ອຸຕຸນິຍົມ ​ແລະ ອຸ​ທົກ​ກະສາ​ດ, ວຽກ​ງານ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ, ໃຫ້​ໄດ້​ຕາມ​ແຜນການທີ່​ວາງ​ໄວ້.

ຕອນ​ທ້າຍ​ຂະ​ແໜງ​ໄພພິບັດ​ຍັງ​ໄດ້​ມອບ​ຄອມ​ພິວ​ເຕີ້​ຈໍານວນ 1 ຊຸດ​ໃຫ້​ແກ່​ຫ້ອງການ ຊສ ​ເມືອງ ​ເພື່ອ​ຮັບ​ໃຊ້​ເຂົ້າ​ໃນ​ວຽກ​ງານ​ເກັບ​ກໍາ​ຂໍ້​ມູນ​ໄພພິບັດ.

 

 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 1 of 22