Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້3
mod_vvisit_counterມື້ວານ67
mod_vvisit_counterອາທິດນີ້119
mod_vvisit_counterອາທິດແລ້ວນີ້373
mod_vvisit_counterເດືອນນີ້672
mod_vvisit_counterເດືອນແລ້ວນີ້331
mod_vvisit_counterລວມທັງຫມົດ143816

Online (20 minutes ago): 1
Your IP: 54.226.41.91
,
Today: ມ.ກ. 17, 2018

Who's Online

ເຮົາມີ 7 ບຸກຄົນທົ່ວໄປ ອອນໄລນ
ຍິນດີຕ້ອນຮັບ ເຂົ້າສູ່ເວບໄຊ ຂອງ ພະແນກ ຊັບພະຍາກອນ ທຳມະຊາດ ແລະ ສິ່ງແວດລ້ອມ ແຂວງ ຈຳປາສັກ
ພິທີມອບອຸປະກອນສຳຫຼວດ-ວັັດແທກ ກອ້ງຈີພີເອັດ(GPS) ສອງຄື້ນ PDF ພິມ ອີເມລ
ຂຽນໂດຍ ຖາວອນ ໄຊຍະມົງຄຸນ   
ມື້ຈັນທີ່ 19 ທັນວາ 2016 ເວລາ 14: 45

ໃນຕອນບ່າຍຂອງວັນທີ 09 ທັນວາ 2016, ເວລາ14:00 ໂມງ ຢູ່ທີ່ຫອ້ງປະຊຸຸມພະແນກຊັບພະຍາກອນທຳມະຊາດ ແລະ ສິ່ງແວດລອ້ມແຂວງສະຫວັນນະເຂດ ໄດ້ຈັດພິທີມອບອຸປະກອນສຳຫຼວດ-ວັດແທກກ້ອງ ຈີພີເອັດ(GPS)ສອງຄື້ນ ລະຫວ່າງກົມຄຸ້ມຄອງ ທີ່ດິນມອບໃຫ້ພະແນກຊັບພະຍາກອນທຳມະຊາດ ແລະ ສິ່ງແວດລອ້ມແຂວງສະຫວັນນະເຂດຈຳນວນ 01ຊຸດ ແລ ະພະແນກ ຊັບພະຍາກອນທຳມະຊາດ ແລະ ສິ່ງແວດລອ້ມ ແຂວງຈຳປາສັກຈຳນວນ 01 ຊຸດ. ໂດຍພາຍໄຕ້ການເປັນປະທານຂອງທ່ານ ອານົງສອນ  ພົມມະຈັນ  ຮອງກົມຄຸ້ມຄອງທີ່ດິນ ກະຊວງຊັບພະຍາກອນທຳມະຊາດ ແລະສິ່ງແວດລອ້ມ. ພອ້ມດວ້ບທ່ານ  ພູທອນ  ຍອດບຸນເຮືອງ  ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລອ້ມແຂວງສະຫວັນນະເຂດ ແລະ ທ່ານ  ຈິດຕະລາດ     ຄຳພູມີ  ຫົວໜ້າ ຂະແໜງຄຸ້ມຄອງທີ່ດິນແຂວງຈຳປາສັກ ຕາງໜ້າໃຫ້ພະແນກຊັບພະຍາກອນທຳມະຊາດແລະສິ່ງແວດລອ້ມແຂວງຈຳປາສັກ, ມີຜູ້ເຂົ້າ ຮ່ວມ ເປັນສັກຂີພະຍານຈຳນວນ 30 ຄົນ ຍິງ 07 ຄົນ.ຈຸດປະສົງຂອງການມອຍຮັບຄັ້ງນີ້ ແມ່ນເພື່ອປັບປຸງ ຄວາມເຂັ້ມແຂງ ທາງດ້ານວິຊາການໃຫ້ແກ່ທ້ອງຖີ່ນ ແນໃສ່ການຮັບປະກັນການອອກໃບຕາດິນໃຫ້ໄດ້ຕາມລະດັບຄາດໝາຍຂອງລັດຖະບານວາງອອກ.

 
ພິທີເຊືອມຊືມເອກະສານຕ້ານການສໍ້ລາດບັງຫລວງ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພຸດທີ່ 14 ທັນວາ 2016 ເວລາ 11: 10

​​ວັນ​ທີ 13 ທັນວາ 2016 ​ເວລາ 8:30 ​ໂມງ ຢູ່​ທີ່​ ຫ້ອງ​ປະຊຸມ​ພະນ​ແນ​ກພະ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​​ໄດ້​ມີ​ພິທີ​​ເຊື່ອມ​ຊຶມ​ກົດໝາຍ ​ແລະ ນິຕິ​ກໍາ​ກ່ຽວກັບ​ວຽກ​ງານ​ຕ້ານ ​ແລະ ສະກັດ​ກັ້ນ​ການ​ສໍ້​ລາດ​ບັງ​ຫລວງ, ໂດຍການເປັນປະທານຂອງ ທ່ານ ບຸນ​ທ່ຽງ ຈັນ​ທິລາດ ຮອງ​​ຫົວໜ້າ​ພະ​ແນ​ກກວດກາ​ລັດ​ແຂວງ ຈໍາປາ​ສັກ, ເຊີງ​ມີ​ຄະນະພັກຮາກ​ຖານ,ຄະນະ​ໜ່ວຍ​ພັກ​ທີ່​ຂຶ້ນ​ກັບ​ຮາກ​ຖານ​ພັກ,ພະ​ແນ​ກ ຊສ ​ແຂວງ, ພ້ອມດ້ວຍສະມາຊິກ​ພັກ, ​ພະນັກງານ​ລັດຖະກອນພາຍ​ໃນ​ພະ​ແນ​ກ ລວມທັງໝົດ 77 ສະຫາຍ,ຍິງ 20 ສະຫາຍ.

​ໃນ​ພິທີ​ໂດຍ​ໃຫ້ກຽດບັນ​ລະ​ຍາຍ​ເອກະສານ​ຂອງ​, ທ່ານ ບຸນ​ທ່ຽງ ຈັນ​ທິລາດ ຮອງ​​ຫົວໜ້າ​ພະ​ແນ​ກ​ກວດກາ​ລັດ​ແຂວງ ຈໍາປາ​ສັກ, ມີ​ລາຍ​ລະອຽດ​ດັ່ງ​ລຸ່ມ​ນີ້:

  1. ​ເອກະສານຍຸດ​ທະ​ສາດຕ້ານ​ການ​ສໍ່​ລາດ​ບັງ​ຫລວງ​ແຕ່​ນີ້​ຮອດ​ປີ 2020, ສະບັບ​ເລກທີ 02/ນຍ, ລົງ​ວັນ​ທີ 4.12.2012.
  2. ​ຂໍ້​ກໍານົດ​ວ່າ​ດ້ວຍ​ຄວາມ​ຮັບຜິດຊອບ​ຂອງ​ພະນັກງານ​ນໍາພາ-ຄຸ້ມ​ຄອງ​ຕໍ່ການ​ປະຕິບັດ​ໜ້າ​ທີ່​ການ​ເມືອງ, ສະບັບ​ເລກທີ 03/ກມສພ, ລົງ​ວັນ​ທີ 26.6.2012.
  3. ​ເອກະສານ​ຄວາມ​ຮູ້​ພື້ນຖານ​ກ່ຽວກັບ​ການ​ສະກັດ​ກັ້ນ ​ແລະ ຕ້ານ​ການ​ສໍ້​ລາດ​ບັງ​ຫລວງ.
  4. ມະຕິ​ວ່າ​ດ້ວຍ​ການ​ເພີ່ມ​ທະວີ​ວຽກງານ​ຕິດຕາມ, ກວດກາ, ສະກັດ​ກັ້ນ ​ແລະ ຕ້ານ​ການ​ສໍ້​ລາດ​ບັງ​ຫລວງ​ໃນ​ເງື່ອນ​ໄຂ​ໃໝ່.
  5. ບົດ​ໂອ້​ລົມ​ຂອງ​ສະຫາຍ​ ບຸນ​ຍັງ ວໍລະ​ຈິດ, ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ, ປະທານ​ປະ​ເທດ​ແຫ່ງ ສ ປປ ລາວ​ ຕໍ່ກອງ​ປະຊຸມ​ວຽກ​ງານ​ກວດກາ ທົ່ວ​ປະ​ເທດ ຄັ້ງ​ທີ III ວັນ​ທີ 18-20 ກໍລະກົດ 2016.

​ພິທີ​ເຊື່ອມ​ຊຶມ​​ເອກະສານ​ດັ່ງກ່າວໄດ້​ດໍາ​ເນີນ​ມາ​ເຖີງ​ເວລາ 16:30 ​ໂມງ, ຂອງ​ວັນ​ດຽວກັນ, ທ່ານ​ປະ​ທານ​ກໍ່ໄດ້​​ປີດ​ຢ່າງ​ເປັນ​ທາງ​ການ.

 
ພິທີເຊືອມຊືມບົດແນະນໍາເລກທີ 259/ຄກສພ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພຸດທີ່ 14 ທັນວາ 2016 ເວລາ 10: 08

​​ວັນ​ທີ 12 ທັນວາ 2016 ​ເວລາ 8:30 ​ໂມງ ຢູ່​ທີ່​ ຫ້ອງ​ປະຊຸມ​ພະນ​ແນ​ກພະ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​​ໄດ້​ມີ​ພິທີ​​ເຊື່ອມ​ຊຶມ​ບົດ​ແນະ​ນໍາ​ເລກທີ 259/ຄກສພ, ​ແລະ ກົດ​ລະບຽບຂອງ​ພັກ​ສະ​ໄໝ​ທີ X ໂດຍການເປັນປະທານຂອງ ສະຫາຍ ຄໍາ​ໃບ ວົງ​ຈະ​ເລີ​ນ ຮອງ​ເລຂາຄະນະ​ພັກ​ຮາກ​ຖານ, ຮັກສາ​ການ​ຫົວໜ້າ​ພະ​ແນ​ກ ຊສ ​ແຂວງ ຈໍາປາ​ສັກ, ເຊີງ​ມີ​ຄະນະ ພັກ,ຄະນະ​ໜ່ວຍ​ພັກ​ທີ່​ຂຶ້ນ​ກັບ​ຮາກ​ຖານ​ພັກ ພະ​ແນ​ກ ຊສ ​ແຂວງ, ພ້ອມດ້ວຍສະມາຊິກ​ພັກ, ​ພາຍ​ໃນ​ພະ​ແນ​ກ ລວມທັງໝົດ 40 ສະຫາຍ,ຍິງ 16 ສະຫາຍ.

​ໃນ​ພິທີສະຫາຍ ​ສະຫາຍ ຄໍາ​ໃບ ວົງ​ຈະ​ເລີ​ນ ຮອງ​ເລຂາຄະນະ​ພັກ​ຮາກ​ຖານ, ຮັກສາ​ການ​ຫົວໜ້າ​ພະ​ແນ​ກ ຊສ ​ແຂວງ ຈໍາປາ​ສັກ, ໄດ້​ບັນ​ລະ​ຍາຍ​ເອກະສານ​ດັ່ງ​ລຸ່ມ​ນີ້:

  1. ​ເອກະສານບົດ​ແນະ​ນໍາ​ເລກທີ 259/ຄກສພ, ຂອງ​ຄະນະ​ກວດກາ​ສູນ​ກາງ​ພັກ​ວ່າ​ດ້ວຍ​ການຈັດ​ຕັ້ງ​ປະຕິບັດ​ກົດ​ລະບຽບຂອງ​ພັກ​ສະ​ໄໝ​ທີ X ກ່ຽວກັບ​ວຽກ​ງານ​ຕິດຕາມ​ກວດກາ​ຂອງ​ພັກ ​ແລະ ຄະນະ​ກວດກາ​ແຕ່ລະ​ຂັ້ນ.
  2. ​ເຜີຍ​ແຜ່ມະຕິ​ກອງ​ປະຊຸມ​ຄັ້ງ​ປະຖົມ​ມະລຶກ​ຂອງ​ອໍານາດ​ການ​ປົກຄອງ​ແຂວງ​.

​ພິທີ​ເຊື່ອມ​ຊຶມ​​ເອກະສານ​ດັ່ງກ່າວໄດ້​ດໍາ​ເນີນ​ມາ​ເຖີງ​ເວລາ 11:30 ​ໂມງ, ຂອງ​ວັນ​ດຽວກັນ, ທ່ານ​ປະ​ທານ​ກໍ່ໄດ້​​ປີດ​ຢ່າງ​ເປັນ​ທາງ​ການ.

 
ການລົງຢຽ້ມຢາມ ແລະ ເຮັດວຽກຂອງທ່ານລັດຖະມົນຕີຢູ່ພຊສ ແຂວງ ຈໍາປາສັກ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພຸດທີ່ 23 ພະຈິກ 2016 ເວລາ 14: 54

​​​ວັນ​ທີ 22 ພະຈິກ 2016 ​ເວລາ 15:30 ​ໂມງ, ຢູ່​ທີ່​ຫ້ອງ​ປະຊຸມ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ໄດ້​ຕ້ອນຮັບ​ການ​ມາ​ຢ້ຽມຍາມ​ຂອງ​ທ່ານ​ ສົມ​ມາດ ພົນ​ເສນາ ກໍາມະການ​ສູນ​ກາງ​ພັກ, ລັດຖະມົນຕີ​ກະຊວງ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ ​​ໃນ​ພິທີ​ດັ່ງກ່າວ​ມີ​ຫົວໜ້າ,ຮອງ​ຂະ​ແໜງ​ ​ແລະ ໜ່ວຍ​ງານ ພາຍ​ໃນ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມແຂວງ, ​​ເຂົ້າ​ຮ່ວມ​ຮັບ​ຟັງການ​ໂອ້​ລົມທັງໝົດ 32 ຄົນ, ຍິງ 10 ຄົນ.

​        ໃນ​ກອງ​ປະຊຸມ​ດັ່ງກ່າວ ທ່ານ ຄໍາ​ໃບ ວົງ​ຈະ​ເລີ​ນ ຮອງ​ເລຂາຄະນະ​ພັກ​ຮາກ​ຖານ, ຮັກສາ​ການຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ຕາງໜ້າ​ໃຫ້​ຄະນະ​ພັກ,ຄະນະ​ພະ​ແນ​ກ​ໄດ້​ຂຶ້ນ​ລາຍ​ງານ​ການຈັດ​ຕັ້ງປະຕິບັດ​ວຽກ​ງານ​ຮອບດ້ານໃນ 1 ປີ ຜ່ານ​ມາ​ໂດຍ​ສັງ​ເຂ​ບ, ​ໃຫ້​ທ່ານ​ລັດຖະມົນຕີ​ຮັບ​ຊາບ, ຈາກ​ນັ້ນ, ທ່ານ​ລັດຖະມົນຕີກໍ່ສະ​ແດງ​ຄວາມ​ຊົມ​ເຊີຍ​ຕໍ່ກັບ​ຜົນງານ​ທີ່​ທາງ​ພະນ​ແນ​ກຊັບ​ໄດ້​ຈັດ​ຕັ້ງ​ປະຕິບັດ​ຜ່ານ​ມາ ​ແລະ ກໍ່​ໄດ້​ໃຫ້​ທິດ​ຊີ້​ນໍາ​ໃນ​ການຈັດ​ຕັ້ງ​ປະຕິບັດ​ວຽກ​ງານ​ງານ​ໃນຕໍ່ໜ້າ​ດັ່ງ​ນີ້:

  1. ກ່ຽວກັບ​ວຽກ​ງານ​ການ​ອອກ​ໃບ​ຕາດິນ​ແມ່ນ​ໃຫ້​ສືບຕໍ່ຈັດ​ຕັ້ງ​ປະຕິບັດ​ໃຫ້​ບັນລຸ​ຕາມ​ແຜນການ​ທີ່​ວາງ​ໄວ້.
  2. ວຽກ​ງານ​ສິ່ງ​ແວດ​ລ້ອມ​ແມ່ນ​ໃຫ້​ຂຶ້ນ​ບັນຊີ​ໃຫ້​ລະອຽດ​ເພື່ອ​ສະດວກ​ໃນ​ການ​ຕິດຕາມ​ກວດ ກາ​ປະ​ເມີນ​ຜົນ​ການຈັດ​ຕັ້ງ​ປະຕິບັດ​ຂອງ​ຫົວໜ່ວຍ​ທຸລະ​ກິດ ​ແລະ ວຽກ​ງານ​ຊັບພະຍາ ກອນນໍ້າ​ໃຫ້​ຂຶ້ນ​ບັນ​ຊີ້​ແລ່ງ​ນໍ້າ, ໜອງ​ນໍ້າ​ໃຫ້​ລະອຽດ ​ເພື່ອ​ປົກ​ປັກ​ຮັກສາ​ໃຫ້​ຢູ່​ໃນ​ສະພາບ​ປົກກະຕິ.
  3. ວຽກ​ງານ​ການຈັດ​ສັນ​ທີ່​ດິນ​ແມ່ນ​ໃຫ້​ສົມທົບ​ກັບ​ຂະ​ແໜງ​ໂຍທາ​ທິການ-ຂົນ​ສົ່ງ.

ກອງ​ປະຊຸມ​ໄດ້​ດໍາ​ເນີນ​ມາ​ເຖິງ​ເວລາ 17:30 ​ໂມງ, ກໍ່​ໄດ້​ຊິ້ນ​ສຸດ​ລົງ​ຢ່າງ​ເປັນ​ທາງ​ການ.

LAST_UPDATED2
 
ກອງປະຊຸມຜ່ານຮ່າງຍຸດທະສາດການພັດທະນາພະນັກງານ-ລັດຖະກອນ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພຸດທີ່ 23 ພະຈິກ 2016 ເວລາ 13: 51

​​​ວັນ​ທີ 22 ພະຈິກ 2016  ເວລາ 8:30 ໂມງ, ຢູ່​ທີ່​ຫ້ອງ​ປະຊຸມ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ໄດ້​ເປີດ​ກອງ​ປະຊຸມ​ທາ​ບທາມ​ຮ່າງ​ຍຸດ​ທະ​ສາດ​ການ​ພັດທະນາ​ພະນັກງານ-ລັດຖະ ກອນ​ຮອດ​ປີ 2025 ຂອງ​ຂະ​ແໜງ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ ​ໂດຍ​ໃຫ້ກຽດ​ເປັນ​ປະທານ​ຮ່ວມ​ຂອງ ທານ ​ໄຊ​ຍະ​ເວດ ວິ​ໄຊ ຫົວໜ້າ​ກົມ​ຈັດ​ຕັ້ງ-ພະນັກງານ, ກະຊວງ​ຊັບພະຍາກອນທໍາ​ມະ​ຊາດ ​ແລະ ສິ່ງ​ແວດ​ລ້ອມ, ທ່ານ ພອນ​ໄຊ ສະ​ໄໝ​ອິນ​ສີ​ມອນ ຄະນະ​ພັກ​ຮາກ​ຖານ, ຮອງ​ຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ເຊີງ​ມີ​ຫົວໜ້າ, ຮອງ​ຫົວໜ້າຫ້ອງການ​ຊັບ 10 ​ເມືອງ, ຫົວໜ້າ,ຮອງ​ຂະ​ແໜງ​ພາຍ​ໃນ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມແຂວງ, ​​ເຂົ້າ​ຮ່ວມ​ຮັບ​ຟັງທັງໝົດ 30 ຄົນ, ຍິງ 15 ຄົນ.

ຈຸດປະສົງ: ເພື່ອ​ທາ​ບທາມ​ຮ່າງ​ຍຸດ​ທະ​ສາດການ​ພັດທະນາ​ພະນັກງານ-ລັດຖະກອນ​ຮອດ​ປີ 2025 ຂອງ​ຂະ​ແໜງ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ສະ​ເໜີ​ໂດຍ​ທ່ານ ຈັນ​ສຸກ ມຸກດາ​ວັນ ຫົວໜ້າ​ພະ​ແນ​ກບໍລິຫານ-ສັງ​ລວມ,  ກົມ​ຈັດ​ຕັ້ງ-ພະນັກງານ, ກະຊວງ​ຊັບພະຍາກອນທໍາ​ມະ​ຊາດ ​ແລະ ສິ່ງ​ແວດ​ລ້ອມ, ຈາກ​ນັ້ນ​ຜູ້​ແທນ​ກອງ​ປະຊຸມ​ກໍ່​ໄດ້​ປະກອບ​ຄໍາ​ຄິດ​ເຫັນ​ໃສ່ຮ່າງ​ຍຸດ​ທະ​ສາດການ​ພັດທະນາ​ພະນັກງານ-ລັດຖະກອນ​ຢ່າງ​ກົງ​ໄປ​ກົງ​ມາ​ແລະ​ມີ​ຄວາມ​ຮັບຜິດຊອບ​ສູງ.

ກອງ​ປະຊຸມ​ໄດ້​ດໍາ​ເນີນ​ມາ​ເຖິງ​ເວລາ 12:00 ​ໂມງ, ກໍ່​ໄດ້​ຊິ້ນ​ສຸດ​ລົງ​ຢ່າງ​ເປັນ​ທາງ​ການ.

LAST_UPDATED2
 
ພິທີເປີດຂະບວນການແຮກສ່ຽວ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ສຸກທີ່ 18 ພະຈິກ 2016 ເວລາ 14: 53

​​ວັນ​ທີ 17 ພະຈິກ 2016 ​ເວລາ 13:30 ​ໂມງ ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ຈັດ​ພິທີ​​ເປີດ​ຂະ​ບວນການແຮກສ່ຽວ​ເພື່ອ​ຈັດ​ຕັ້ງ​ປະຕິບັດເນື້ອ​ໃນ​ຂໍ້​ແຂ່ງ​ຂັ້ນ​ 4 ບຸກ ລະຫວ່າງ ຊາວ​ໜຸ່ມ​ຮາກ​ຖານ ພຊສ ​ແຂວງ, ໜ່ວຍ​ຊາວ​ໜຸ່ມ​ພະ​ແນ​ກ​ແຜນການ-ການ​ລົງທຶນ​ແຂວງ, ໜ່ວຍ​ຊາວ​ໜຸ່ມ​ສານ​ປະຊາຊົນ​ແຂວງ ​ແລະ ໜ່ວຍ​ຊາວ​ໜຸ່ມ​ອົງການ​ໄອ​ຍະ​ການ​ປະຊາຊົນພາກ​ໃຕ້, ໂດຍການເປັນປະທານຂອງ ສະຫາຍ ອຸດົມ​ສັກ ດີ​ວິ​ໄຊ ກໍາມະການ​ພັກ​ແຂວງ, ກໍາມະການ​ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ, ​ເລຂາ​ຄະນະ​ບໍລິຫານ​ງານຊາວ​ໜຸ່ມ​ປະຊາຊົນ​ປະຕິວັດ​ລາວ ​ແຂວງ ຈໍາປາ​ສັກ, ​ ເຊີງ​ມີ​​​ຄະນະ​ພັກ​ແຕລະ​ພາກສ່ວນ​ເຂົ້າ​ຮ່ວມ, ຕາງໜ້າ​ອົງການ​ຈັດ​ຕັ້ງ​ມະຫາຊົນ, ພ້ອມ​ດ້ວຍ​ສະມາຊິກ​ຊາວ​ໜຸ່ມ​ແຕ່​ລະ​ພາກສ່ວນ​ເຂົ້າ​ຮ່ວມ​ທັງ​ໝົດ 150 ຄົນ,ຍິງ 65 ຄົນ.

ສະຫາຍ ​ໄຊ​ຍະ​ສິດ ວິລະ​ພັດ ຄະນະ​ປະ​ຈໍາຊາວ​ໜຸ່ມ​ປະຊາຊົນ​ປະຕິວັດ​ລາວ ​ແຂວງ ຈໍາປາ​ສັກ, ​ເລຂາ​ຊາວ​ໜຸ່ມ​ຮາກ​ຖານ ພຊສ ​ແຂວງ ຕາງໜ້າ​ໃຫ້​ແກ່​ສ່ຽວ​ໄດ້​ຂຶ້ນ​ຜ່ານທິດ​ທາງ​​ແຜນ​ວຽກທີ່​ຕ້ອງ​ປະຕິບັດ​ໃນຕໍ່ໜ້າ.

ຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກສະຫາຍ ອຸດົມ​ສັກ ດີ​ວິ​ໄຊ ກໍາມະການ​ພັກ​ແຂວງ, ກໍາມະການ​ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ, ​ເລຂາ​ຄະນະ​ບໍລິຫານ​ງານຊາວ​ໜຸ່ມ​ປະຊາຊົນ​ປະຕິວັດ​ລາວ ​ແຂວງ ຈໍາປາ​ສັກ,ສະຫາຍ​ໃຫ້​​ເອົາ​ໃຈ​ໃສ່​ບາງ​ບັນຫາ​ດັ່ງ​ນີ້: ຕ້ອງ​ໄດ້ສຶກສາ​ອົມ​ຮົມ​ທາງ​ດ້ານ​ການ​ເມືອງ​ແນວ​ຄິດ​ໃຫ້​ແກ່​ສະມາຊິກ​ຊາວ​ໜຸ່ມ​ໄວ​ໜຸ່ມ​ທີ່ຢູ່​ໃນ​ຄວາມ​ຮັບຜິດຊອບ​ຂອງ​ຕົນ​ເອງ​​ໃຫ້​ມີ​ຄວາມ​ໜັກ​ແໜ້ນ​ທາງ​ດ້ານ​ການ​ເມືອງຕາມ​ການ​ປ່ຽນ​ແປງ​ໃໝ່​ຂອງ​ພັກ​ ​ແລະ ​ເອົາ​ໃຈ​ໃສ່​ປະຕິບັດ​ຕາມ​ບາດກ້າວ 4 ບຸກຂອງ​ພັກ​ວາງ​ອອກ​ໃຫ້​ປະກົດ​ຜົນ​ເປັນ​ຈິງ.

ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 16:00 ​ໂມງ​, ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 
ກອງປະຊຸມໃຫຍ່ຄັ້ງທີ II ໜ່ວຍພັກຂະແໜງສິ່ງແວດລ້ອມ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ສຸກທີ່ 18 ພະຈິກ 2016 ເວລາ 13: 55

​​ວັນ​ທີ 15 ພະຈິກ 2016 ​ເວລາ 8:30 ​ໂມງ ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ໜ່ວຍພັກຂະແໜງສິ່ງ​ແວດ​ລ້ອມ​​ໄດ້​ເປີດກອງປະຊຸມ​ໃຫຍ່​ຄັ້ງ​ທີ II ຂຶ້ນ​ຢ່າງ​ເປັນ​ທາງ​ການ ໂດຍການເປັນປະທານຂອງ ສະຫາຍ ບຸນ​ຄໍ້າ ​ໂພທິ​ສານ ​ເລຂາ​ໜ່ວຍ​ ພັກຂະແໜງສິ່ງ​ແວດ​ລ້ອມ, ​ໂດຍ​ການ​ໃຫ້ກຽດ​ເຂົ້າ​ຮ່ວມ​ຂອງ​ສະຫາຍ ນິພອນ ວຽງປະ​ເສີດ ຮອງ​ເລຂາພັກ​ແຂວງ, ຫົວໜ້າ​ຄະນະ​ຈັດ​ຕັ້ງ​ແຂວງ ຈໍາປາ​ສັກ, ເຊີງ​ມີ​​ເລຂາໜ່ວຍ​ພັກທີ່​ຂື້ນ​ກັບ​ຄະນະ​ພັກ​ຮາກ​ຖານ, ຕາງໜ້າ​ອົງການ​ຈັດ​ຕັ້ງ​ມະຫາຊົນ, ພ້ອມ​ດ້ວຍ​ສະມາຊິກ​ພັກພາຍໃນໜ່ວຍ​ເຂົ້າ​ຮ່ວມ​ທັງ​ໝົດ 26 ສະຫາຍ,ຍິງ 05 ສະຫາຍ.

ສະຫາຍ ບຸນ​ຄໍ້າ ​ໂພທິ​ສານ​, ​ເລຂາໜ່ວຍພັກຂະ​ແໜງ​ສິ່ງ​ແວດ​ລ້ອມ​, ໄດ້ຜ່ານບົດ​ລາຍ​ງານ​ການ​ເມືອງ​ໃນ​ການ​ຊີ້​ນໍາໆ ພາ ​ໄລຍະ 3 ​ປີ ຜ່ານ​ມາ ​ແລະ ທິດ​ທາງ​ 5 ປີຮອດ 2020 ​ແລະ ຜ່ານ​ບົດ​ສໍາ​ຫລວດ​ການ​ນໍາພາ​ລວມ.

ຈາກ​ນັ້ນ, ກໍ່​ໄດ້​ບ່ອນ​ບັດ​ຄັດ​ເລືອກ​ເອົາ​ເລຂາ​, ​ຮອງ​ເລຂາ​ໜ່ວຍ​ພັກຊຸ​ໃໝ່, ​ເຊີງ​ມີ ຜູ້​ສະໝັກ 3 ສະຫາຍ, ​ເລືອກ​ເອົາ 2 ສະຫາຍ, ກອງ​ປະຊຸມ​ຄັ້ງ​ປະຖົມ​ມະລຶກ​ເລືອກ​ເອົາ​ສະຫາຍ ພອນ​ໄຊ ສະ​ໄໝ​ອິນ​ສີ​ມອນ ​ເປັນ​ເລຂາ​ໜ່ວຍ​ພັກ, ສະຫາຍ ອາ​ລຸນ ​ແພງ​ມະນີ ​ເປັນ​ຮອງ​ທັງ​ເປັນ​ປະທານ​ກວດກາ​ໜ່ວຍ​ພັກຂະ​ແໜງ​ສິ່ງ​ແວດ​ລ້ອມ.

​        ຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກສະຫາຍ ນິພອນ ວຽງປະ​ເສີດ ຮອງ​ເລຂາພັກ​ແຂວງ, ຫົວໜ້າ​ຄະນະ​ຈັດ​ຕັ້ງ​ແຂວງ ຈໍາປາ​ສັກ, ກ່ອນ​ອືນ​ສະຫາຍ​ກໍ່​ໄດ້​ຍ້ອງຍໍ​ຊົມ​ເຊີຍ​ຜົນງານ​ທີ່​ຍາດ​ມາ​ໄດ້, ສະຫາຍ ຍັງ​ໄດ້​ຍົກ​ໃຫ້​ເຫັນ​ສະພາບ​ການ​ຜັນ​ແຜ​ຂອງ​ໂລກ ​ແລະ ກໍ່ຊີ້​ທິດ​ເຍືອງ​ທາງ​ໃຫ້​ແກ່​ຄະນະ​ນໍາຂອງ​ໜ່ວຍ​ພັກ​ຊຸດ​ໃໝ່ໃຫ້​​ເອົາ​ໃຈ​ໃສ່​ບາງ​ບັນຫາ​ດັ່ງ​ນີ້: ຕ້ອງ​ໄດ້ສຶກສາ​ອົມ​ຮົມ​ທາງ​ດ້ານ​ການ​ເມືອງ​ແນວ​ຄິດ​ໃຫ້​ແກ່​ສະມາຊິກ​ພັກ​ພະນັກງານ​​ໃຫ້​ມີ​ຄວາມ​ໜັກ​ແໜ້ນ​ທາງ​ດ້ານ​ການ​ເມືອງຕາມ​ການ​ປ່ຽນ​ແປງ​ໃໝ່​ຂອງ​ພັກ​ເຮົາ​ວາງ​ອອກ ​ແລະ ​ເອົາ​ໃຈ​ໃສ່​ປະຕິບັດ​ຕາມ​ບາດກ້າວ 4 ບຸກຂອງ​ພັກ​ວາງ​ອອກ​ໃຫ້​ປະກົດ​ຜົນ​ເປັນ​ຈິງ.

ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 11:30 ​ໂມງ​, ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 
ກອງປະຊຸມໃຫຍ່ຄັ້ງທີ II ໜ່ວຍພັກຂະແໜງຂໍ້ມູນຂ່າວສານ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພຸດທີ່ 16 ພະຈິກ 2016 ເວລາ 10: 35

​​ວັນ​ທີ 14 ພະຈິກ 2016 ​ເວລາ 8:30 ​ໂມງ ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ໜ່ວຍພັກຂະແໜງຂໍ້​ມູນ​ຂ່າວ​ສານ​​ໄດ້​ເປີດກອງປະຊຸມ​ໃຫຍ່​ຄັ້ງ​ທີ II ຂຶ້ນ​ຢ່າງ​ເປັນ​ທາງ​ການ ໂດຍການເປັນປະທານຂອງ ສະຫາຍ ຄໍາ​ລ້ານ ​ແກ້ວ​ບຸບຜາ ​ເລຂາ​ໜ່ວຍ​ ພັກຂະແໜງຂໍ້​ມູນ​ຂ່າວ​ສານ, ​ໂດຍ​ການ​ໃຫ້ກຽດ​ເຂົ້າ​ຮ່ວມ​ຂອງ​ສະຫາຍ ຄໍາ​ໃບ ວົງ​ຈະ​ເລີ​ນ ຮອງ​ເລຂາຄະນະພັກຮາກຖານ, ຮັກສາ​ການຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ເຊີງ​ມີ​​ເລຂາໜ່ວຍ​ພັກທີ່​ຂື້ນ​ກັບ​ຄະນະ​ພັກ​ຮາກ​ຖານ, ຕາງໜ້າ​ອົງການ​ຈັດ​ຕັ້ງ​ມະຫາຊົນ, ພ້ອມ​ດ້ວຍ​ສະມາຊິກ​ພັກພາຍໃນໜ່ວຍ​ເຂົ້າ​ຮ່ວມ​ທັງ​ໝົດ 25 ສະຫາຍ,ຍິງ 07 ສະຫາຍ.

ສະຫາຍ ​ວົງ​ພະຈັນ ພອນ​ຈິດ, ຮອງ​ເລຂາໜ່ວຍພັກຂະແໜງຂໍ້​ມູນ​ຂ່າວສານ-ອຸຕຸນິຍົມ​, ໄດ້ຜ່ານບົດ​ລາຍ​ງານ​ການ​ເມືອງ​ໃນ​ການ​ຊີ້​ນໍາໆ ພາ ​ໄລຍະ 3 ​ປີ ຜ່ານ​ມາ ​ແລະ ທິດ​ທາງ​ຮອດ 2020.

ຈາກ​ນັ້ນ, ສະຫາຍ ​ບຸນ​ປັນ ມະຫາລາດ, ຫົວໜ້າຂະ​ແໜງ​ກໍ່ສ້າງ​ພັກ, ຄະນະ​ຈັດ​ຕັ້ງ​ແຂວງ​ກໍ່​ໄດ້​ຜ່ານ​ມະຕິ​ຕົກລົງ​ແຕ່ງ​ຕັ້ງ​ບົກ​ໂຕ​ເລຂາ​ໜ່ວຍ​ຮອງ​ເລຂາ​ໜ່ວຍ​ພັກ 3 ໜ່ວຍ.

​        ຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກສະຫາຍ ຄໍາ​ໃບ ວົງ​ຈະ​ເລີ​ນ ຮອງ​ເລຂາຄະນະພັກຮາກຖານ, ຮັກສາ​ການຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ກ່ອນ​ອືນ​ສະຫາຍ​ກໍ່​ໄດ້​ຍ້ອງຍໍ​ຊົມ​ເຊີຍ​ຜົນງານ​ທີ່​ຍາດ​ມາ​ໄດ້ ​ແລະ ກໍ່ຊີ້​ທິດ​ເຍືອງ​ທາງ​ໃຫ້​ແກ່​ຄະນະ​ນໍາຂອງ​ໜ່ວຍ​ພັກ​ຊຸດ​ໃໝ່ໃຫ້​​ເອົາ​ໃຈ​ໃສ່​ບາງ​ບັຫາ​ດັ່ງ​ນີ້:

  1. ສຶກສາ​ອົມ​ຮົມ​ທາງ​ດ້ານ​ການ​ເມືອງ​ແນວ​ຄິດ​ໃຫ້​ແກ່​ສະມາຊິກ​ພັກ​ພະນັກງານ​​ໃຫ້​ມີ​ຄວາມ​ໜັກ​ແໜ້ນ​ທາງ​ດ້ານ​ການ​ເມືອງ.
  2. ​ເອົາ​ໃຈ​ໃສ່​​ສືບຕໍ່ຈັດ​ຕັ້ງ​ປະຕິບັດ​ວຽກ​ງານ​ວິຊາ​ສະ​ເພາະໃຫ້ສໍາ​ເລັດ​ຕາມ​ແຜນການ​ທີ່​ວາງ​ໄວ້,
  3. ​ໃຫ້​ເອົາ​ໃຈ​ໃສ່​ປະຕິບັດ​ມູນ​ເຊື້ອ​ຂອງ​ພັກ​ເປັນ​ຕົ້ນ​ຄວາມສາມັກຄີ ​ແລະ ​ເປັນ​ເອກະ​ພາບ​ພາຍ​ໃນ​ພັກ.

ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 11:40 ​ໂມງ​, ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 
ພະແນກ ຊສ ແຂວງ ຈໍາປາສັກ ອອກແຮງງານລວມ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພຸດທີ່ 16 ພະຈິກ 2016 ເວລາ 10: 10

​​ໃນຕອນ​ເຊົ້າ​ວັນ​ທີ 11 ພະຈິກ 2016 ​ເວລາ 6:00 ​ໂມງ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ສ້າງ​ຂະ​ບວນການ​ອອກ​ແຮງ​ງານ​ອະນາ​ໄມ​ຕາມ​ເສັ້ນທາງ​ 13 ​ໃຕ້ ​ຢູ່​ໜ້າ​ສະໜາມ​ກິລາ​ຂອງ ​ແຂວງ ຈໍາປາ​ສັກ ລວມ​ໄລຍະ​ທາງປະມານ 200 ​ແມັດ, ​ໃນ​ງານ​ດັ່ງກ່າວ​ນໍາພາ​ໂດຍ ສະຫາຍ ​ແສງ​ປະ​ເສີດ ຊະນະ​ລັງສີ ຄະນະ​ພັກ​ຮາກ​ຖານ, ຫົວໜ້າ​ຂະ​ແໜງ​ສິ່ງ​ແວດ​ລ້ອມ, ພະ​ແນ​ກຊັບພະ ຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ເຊີງ​ມີ​ສະມາຊິກ​ພັກ​ພະນັກງານ​ລັດຖະກອນ​ພາຍ​ໃນ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມແຂວງ, ​​ເຂົ້າ​ຮ່ວມລວມທັງໝົດ 95 ຄົນ, ຍິງ 50 ຄົນ.

ຈຸດປະສົງ: ເພື່ອສ້າງຂະບວນການຂໍານັບຮັບຕອນວັນສໍາຄັນ​ຕ່າງໆ​ຂອງ​ພັກ​ຂອງ​ຊາດ​ທີ່​ຈະ​ມາ​ເຖິງ​ໃນ​ໝໍ່ໆ​ນີ້ ແລະ ເພື່ອ ​ເຮັດໃຫ້ຕົວເມືອງ ປາກເຊ ໃຫ້ມີຄວາມສະອາດສວຍງາມຕາມທິດຊີ້ນໍາຂອງ ຂັ້ນເທິງ.

 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 4 of 22