Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້4
mod_vvisit_counterມື້ວານ67
mod_vvisit_counterອາທິດນີ້120
mod_vvisit_counterອາທິດແລ້ວນີ້373
mod_vvisit_counterເດືອນນີ້673
mod_vvisit_counterເດືອນແລ້ວນີ້331
mod_vvisit_counterລວມທັງຫມົດ143817

Online (20 minutes ago): 2
Your IP: 54.226.41.91
,
Today: ມ.ກ. 17, 2018

Who's Online

ເຮົາມີ 25 ບຸກຄົນທົ່ວໄປ ອອນໄລນ
ຍິນດີຕ້ອນຮັບ ເຂົ້າສູ່ເວບໄຊ ຂອງ ພະແນກ ຊັບພະຍາກອນ ທຳມະຊາດ ແລະ ສິ່ງແວດລ້ອມ ແຂວງ ຈຳປາສັກ
ຂະແໜງຈັດຕັ້ງກວດກາເປີດກອງປະຊຸມສະວຽກງານວິຊາສະເພາະ 1 ປີ2016 PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 10 ຕຸລາ 2016 ເວລາ 10: 36

​​ວັນ​ທີ 4 ຕຸລາ 2016 ​ເວລາ 08:30 ​ໂມງ ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ຂະ​ແໜງ​ຈັດ​ຕັ້ງ ​ແລະ ກວດກາ ​ໄດ້​ຈັດ​ກອງ​ປະຊຸມ​ສະຫລຸບ​ວຽກ​ງານ​ວິຊາ​ສະ​ເພາະ​ໃນ​ໄລະຍ 1 ປີສົກ​ປີ 2015-2016 ​ແລະ ຜ່ານ​ທິດ​ທາງ​ແຜນການ​ປີ 2017, ໂດຍການເປັນປະທານຂອງ ທ່ານ ຄໍາ​ໃບ​ ວົງ​ຈະ​ເລີ​ນ ຮອງ​ເລຂາຄະນະພັກຮາກຖານ, ຮັກສາ​ການຫົວໜ້າ​ພະ​ແນ​ກ ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ມີຄະນະພັກນ, ຄະ​ພະ​ແນ​ກ, ຫົວໜ້າ​ຂະ​ແໜງ​ການ​ທີ່​ຂຶ້ນ​ກັບ ພະ​ແນ​ກພ້ອມ​ດ້ວຍ​ພ້ອມ​ດ້ວຍ​ພະ ນັກງານ​ວິຊາ​ການ​ເຂົ້າ​ຮ່ວມ​ທັງ​ໝົດ 26 ຄົນ,ຍິງ 10 ຄົນ.

ຈາກ​ນັ້ນ​, ທ່ານ ນາງ ຈໍາປາ​ໄພ ຄໍາ​ບົວ​ສີ​ , ຫົວໜ້າຂະແໜງຈັດ​ຕັ້ງ ​ແລະ ກວດກາ​ກໍ່ໄດ້ຂຶ້ນ ຜ່ານບົດ​ສະຫລຸບ​ການ​ເຄື່ອນ​ໄຫວ​ວຽກ​ງານ​ວິຊາ​ສະ​ເພາະ​ໃນ​ໄລຍະ 1 ປີ ​ແລະ ທິດ​ທາງ​ປີ 2017 ຕໍ່ທີ່​ປະຊຸມ​ຮັບ​ຊາບ, ​ແລ້ວ​ກອງ​ປະຊຸມ​ກໍ່​ໄດ້​ເປີດ​ກວ້າງ​ໃຫ້​ບັນດາ​ທ່ານ​ຜູ້​ແທນ​ເຂົ້າ​ຮ່ວມ​ກອງ​ປະຊຸມ​ປະ ກອບ​ຄໍາ​ຄິດ​ເຫັນ​ໃສ່​ທິດ​ທາງ​ແຜນການ​ຢ່າງ​ກົງ​ໄປ​ກົງ​ມາ.

ຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກທ່ານ ຄໍາ​ໃບ ວົງ​ຈະ​ເລີ​ນ ຮັກສາ​ການ​ຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ​ຈໍາປາ​ສັກ, ກ່ອນ​ອື່ນທ່ານ​ກໍ່​ໄດ້​ຍ້ອງຍໍ​ຊົມ​ເຊີຍ​ຜົນງານ​ທີ່​ຍາດ​ມາ​ໄດ້ ​ແລະ ກໍ່ຊີ້​ທິດ​ເຍືອງ​ທາງ​ໃຫ້​ແກ່​ຂະ​ແໜງຈັດ​ຕັ້ງ ​ແລະ ກວດກາ​ພ້ອມ​ດ້ວຍ​ສະມາຊິກ​​ທັງ​ໝົດພາຍ​ໃນ​ຂະ​ແໜງ​​ສືບຕໍ່ຈັດ​ຕັ້ງ​ປະຕິບັດ​ວຽກ​ງານ​ໃຫ້ສໍາ​ເລັດ​ຕາມ​ແຜນການ​ທີ່​ວາງ​ໄວ້, ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 11:30 ​ໂມງ​, ຂອງ​ວັນ​ດຽວກັນກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

LAST_UPDATED2
 
ພິທີຕອນຮັບແລະເຮັດວຽກຮ່ວມທ່ານຮອງລັດຖະມົນຕີກະຊວງຊັບ PDF ພິມ ອີເມລ
ຂຽນໂດຍ ຄໍາລ້ານ ແກ້ວບຸບຜາ   
ມື້ພຸດທີ່ 21 ກັນຍາ 2016 ເວລາ 14: 42

ໃນຕອນເຊົ້າຂອງວັນທີ 15 ກັນຍາ 2016 ເວລາ 9:00 ໂມງ  ຢູ່ທີ່ຫ້ອງປະຊຸມພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຈຳປາສັກ ໄດ້ຈັດພິທີຕ້ອນຮັບການມາເຮັດວຽກ ຂອງທ່ານຮອງ ລັດຖະມົນຕີກະ ຊວງຊັບພະຍາກອນທຳມະຊາດ ແລະ ສີ່ງແວດ ລ້ອມ ພ້ອມຄະນະ ເຊີ່ງນຳໂດຍທ່ານ ບຸນມີ ພຸດທະວົງ ຮອງລັດຖະມົນຕີ, ທ່ານ ຫວໜ້າກົມຄຸ້ມຄອງທີ່ດິນ ,ທ່ານ ຮອງຫົວໜ້າກົມຈັດຕັ້ງພະນັກງານ,  ແລະ ມີພະນັກງານສະມາຊິກພັກ ຈາກ ພ ຊ ສ ແຂວງ ,ທ່ານຫົວໜ້າ,ຮອງຫົວໜ້າຫ້ອງການຊັບ 10 ຕົວເມືອງ ເຂົ້າຮ່ວມທັງໝົດ ຈຳນວນ 72 ຄົນ, ຍິງ 20 ຄົນ; ໃຫ້ກຽດລາຍງານຜົນການຈັດຕັ້ງປະຕິບັດວຽກງານ 1 ປີ ຜ່ານມາ ໂດຍທ່ານ ຄຳໃບ ວົງຈະເລີນ ຮັກສາການ ຫົວໜ້າພະແນກ ເຊີ່ງທ່ານໄດ້ຂື້ນລາຍງານຜົນສຳເລັດ ຂໍ້ສະດວກ,ຂໍ້ຫຍຸ້ງຍາກ 1 ປີຜ່ານມາ ຈາກນັ້ນບັນດາທ່ານ ຫົວໜ້າ ຫ ຊສ ເມືອງ ກໍໄດ້ມີຄຳ ເຫັນລາຍງານ ກອງປະຊຸມ ພາຍຫລັງທ່ານ ຮັກສາການຫົວໜ້າພະແນກ ແລະ ຫຊສ ລາຍງານແລ້ວທິມງານຈາກກະ ຊວງຊັພະຍາກອນທຳມະຊາດທຳມະຊາດແລະສີ່ງແວດລ້ອມກໍໄດ້ຂື້ນປະກອບຄຳເຫັນຊີ້ ແຈ້ງກ່ຽວກັບ ຂໍ້ສະ ເໜີຕ່າງໆ ຕອນທ້າຍກອງປະຊຸມໄດ້ຮັບຟັງການໂອ້ລົມຈາກທ່ານຮອງລັດຖະມົນຕີ ເຊີ່ງທ່ານໄດ້ເນັ້ນ ຫນັກເຖິງການ ສຸມໃສ່ການປະຕິບັດໜ້າທີ່ວິຊາສະເພາະໃຫ້ສູງຂື້ນ. ກອງປະຊຸມໄດ້ປິດລົງໃນເວລາ 11:30 ຂອງວັນດຽວກັນ.

LAST_UPDATED2
 
ພິທີເລື່ອນສະມາຊິກພັກສໍາຮອງຂຶ້ນເປັນສົມບູນ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພຸດທີ່ 21 ກັນຍາ 2016 ເວລາ 11: 39

ວັນ​ທີ 14 ກັນຍາ 2016 ​ເວລາ 14:00 ​ໂມງ ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ໜ່ວຍພັກຂະແໜງຂໍ້​ມູນ​ຂ່າວ​ສານ​​ ​ແລະ ໜ່ວຍ​ພັກຂະ​ແໜງ​ຈັດ​ສັນ-ພັດທະນາ​ທີ່​ດິນໄດ້​ຈັດ​ພິທີ​ເລື່ອນ​ສະມາຊິກ​ພັກສໍາຮອງ​ຂຶ້ນ​ເປັນ​ສະມາຊິກ​ພັກ​ສົມບູນ ພິທີ່​ດັ່ງກ່າວ​ໄດ້​ຮັບ​ກຽດ​ເປັນ​ປະທານຂອງ ສະຫາຍ ຈັນທະ​ບູນ ສີ​ປະ​ເສີດ ຄະນະພັກຮາກຖານ, ຮອງຫົວໜ້າ​ພະ​ແນ​ກ ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ເຊີງ​ມີ​​ເຊີ່ງ​ມີ​ຕາງໜ້າ​ຄະນະໜ່ວຍ​ພັກ, ທີ່​ຂຶ້ນ​ກັບ​ຄະນະ ພັກຮາກ​ຖານ, ພ້ອມ​ດ້ວຍ​ສະມາຊິກ​ພັກພາຍໃນ 2 ໜ່ວຍ​ເຂົ້າ​ຮ່ວມ​ທັງ​ໝົດ 22 ສະຫາຍ,ຍິງ 04 ສະຫາຍ.ຕອນ​ທ້າຍ      ​ກອງ​  ປະຊຸມ​ຍັງ​ໄດ້​ຮັບ​ຟັງ​ການ​ໂອ້​ລົມ​ຂອງສະຫາຍ ຈັນທະ​ບູນ ສີ​ປະ​ເສີດ ຄະນະ ພັກຮາກຖານ, ກ່ອນ​ອື່ນ​ສະຫາຍ​ກໍ່​ໄດ້​ສະ​ແດງ​ຄວາມ​ຍໍ້​ຍ້ອງ​ຊົມ​ເຊີຍ​ຕໍ່ສະມາຊິກ​ພັກ​ສົມບູນ​ໃໝ່​ທີ່​ໄດ້​ຝຶກ​ຝົນ​ຫລໍ່ຫລອມ​ຕົນ​ເອງ​ຈົນ​ໄດ້​ເປັນ​ສະມາຊິກ​ພັກ​ສົມບູນ, ຈາກ​ນັ້ນ​ກໍ່​​ໃຫ້​ສະມາຊິກ​ພັກ​ໃໝ່​ເອົາ​ໃຈ​ໃສ່​ປະຕິບັດ​ຕໍ່​ແນວທາງ​ນະ​ໂຍບາຍ​ຂອງ​ພັກ-ລັດ, ຕັ້ງໜ້າ​ປະຕິ​ບັດ​ວຽກ​ງານ​ວິຊາ​ສະ​ເພາະ​ຂອງ​ຕົນ​ຕາມ​ການ​ມອບ​ໝາຍ​ຂອງ​ຂັ້ນ​ເທິງ ໃຫ້​ສໍາ​ເລັດ​ຜົນ, ກອງ​ປະຊຸມ​ໄດ້​ດໍາ​ເນີນ​ມາ​ເຖິງ​ເວລາ 15:30 ​ໂມງ​ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

LAST_UPDATED2
 
ພິທີປະກາດຮອງຫົວໜ້າພະແນກຊັບຜູ້ໃໝ່ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພຸດທີ່ 14 ກັນຍາ 2016 ເວລາ 13: 52

​​​ວັນ​ທີ 8 ກັນຍາ 2016  ​ເວລາ 13:30 ​ໂມງ, ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ເປີດ​ກອງ​ປະຊຸມ​​ປະກາດ​ຮອງ​ຫົວໜ້າ​ພະ​ແນ​ກຊັບພະຍາ ກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ໂດຍການເປັນປະທານຂອງ ສະຫາຍ ນິພອນ ວຽງ​ປະ​ເສີດ, ຮອງ​ເລຂາ​ພັກ​ແຂວງ, ຫົວໜ້າ​ຄະນະ​ຈັດ​ຕັ້ງ​ແຂວງຈໍາປາ​ສັກ, ​ມີ​ຕາງໜ້າຄະນະ​ພະແນ​ກ ການ​ອ້ອມ​ຂາງ​ແຂວງ​, ຄະນະ​ພັກ, ຄະ​ນະ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ຄະນະຫ້ອງການ​ຊັບ 10 ​ເມືອງ​, ພ້ອມ​ດ້ວຍ​ພະນັກງານ​ວິຊາ​ການພະ​ແນ​ກຊັບເຂົ້າ​ຮ່ວມ​ທັງ​ໝົດ 74 ຄົນ,ຍິງ 25 ຄົນ.

ຕອນ​ທ້າຍ​ກອງ​ປະຊຸມ​ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກ​ທ່ານ​ປະທານ, ກ່ອນ​ອື່ນ​ທ່ານ​ປະທານ​ກໍ່​ໄດ້​ສະ​ແດງ​ຄວາມ​ຊົມ​ເຊີຍ​ຕໍ່ຜູ້​ທີ່​ໄດ້​ຮັບ​ໜ້າ​ທີ່​ໃໝ່, ຈາກ​ນັ້ນ​ທ່ານ​ຍັງ​ໄດ້​ຍົກ​ໃຫ້​ເຫັນ​ສະພາບ​ການ​ຂອງ​ໂລກ ​ແລະ ພາກ​ພື້ນ ​ແລະ ກໍ່​ໄດ້​ເນັ້ນ​ໜັກ​ໃຫ້​ພະນັກງານ​ພວກ​ເຮົາ​ເອົາ​ໃຈ​ໃສ່​ປະຕິບັດ​ຕໍ່​ແນວທາງ​ນະ​ໂຍບາຍ​ຂອງ​ພັກ, ລະບຽບກົດໝາຍ​ຂອງ​ລັດ, ​ເປັນ​ຕົ້ນ​ປະຕິບັດ​ຕໍ່ມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ, ມະຕິ​ກອງ​ປະຊຸມ​ຄັ້ງ​ທີ VII ຂອງ​ອົງຄະ​ນະ​ພັກ​ແຂວງ.

ກອງ​ປະຊຸມ​​ໄດ້​ດໍາ​ເນີນ​ມາ​ເຖີງ​ເວລາ 15:00 ​ໂມງ ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

LAST_UPDATED2
 
ກອງປະຊຸມເຜີຍແຜ່ມະຕິ X ຂອງພັກ ແລະ ກອງປະຊຸມຄົບຄະນະບໍລິຫານງານພັກແຂວງ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ສຸກທີ່ 02 ກັນຍາ 2016 ເວລາ 10: 57

​​​ວັນ​ທີ 31 ສິງຫາ 2016  ​ເວລາ 8:00 ​ໂມງຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ເປີດ​ກອງ​ປະຊຸມ​ເຜີຍ​ແຜ່​ມະຕິ X ຂອງ​ພັກ ​ແລະ ວິທີ​ຈັດ​ຕັ້ງ​ປະ​ຕິ​ບັດ​ລະບຽບຂອງ​ພັກ​ສະ​ໄໝ​ທີ່ X ​ແລະ ມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ພັກ​ແຂວງ​ຄັ້ງ​ທີ 4 ສະ​ໄໝ​ທີ VII ໂດຍການເປັນປະທານຂອງ ສະຫາຍ ພອນ​ໄຊ ສະ​ໄໝ​ອິນ​ສີ​ມອນ ຄະນະພັກຮາກຖານ, ຮອງຫົວໜ້າ​ພະ​ແນ​ກ ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ ມີ​ຄະນະ​ພັກ​ຄະນະ​ພະ​ແນ​ກຂະ​ແໜງ​ການພ້ອມ​ດ້ວຍ​ພັກ​ງານ​ເຂົ້າ​ຮ່ວມ​ທັງ​ໝົດ 59 ຄົນ,ຍິງ 22 ຄົນ.

​ຈາກ​ນັ້ນ, ​ສະຫາຍ ພອນ​ໄຊ ສະ​ໄໝ​ອິນ​ສີ​ມອນ ກໍ່​ໄດ້​ເຜີຍ​ແຜ່​ບັນດາ​ເອກະສານ​ດັ່ງກ່າວ​ເຊັ່ນ:

  1. ​ເອກະສານ​ມະຕິ​ກອງ​ປະຊຸມ​ໃຫຍ່​ຂອງ​ພັກ​ປະຊາຊົນ​ປະຕິວັດ​ລາວ​ຄັ້ງ​ທີ X
  2. ​ເອກະສານວິທີ​ການຈັດ​ຕັ້ງ​ກົດລະບຽບຂອງ​ພັກປະຊາຊົນ​ປະຕິວັດ​ລາວ​ຄັ້ງ​ທີ X
  3. ​ເອກະສານມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ພັກ​ແຂວງ​ຄັ້ງ​ທີ 4 ສະ​ໄໝ​ທີ VII

ຕອນ​ທ້າຍ​ກອງ​ປະຊຸມ ສະຫາຍ ພອນ​ໄຊ ສະ​ໄໝ​ອິນ​ສີ​ມອນ ຍັງ​ໄດ້​ແນະ​ນໍາ​ໃຫ້​ຄະນະ​ໜ່ວຍ​ພັກ​ທີ່​ຂຶ້ນ​ກັບ​ຄະນະ​ພັກ​ຮາກ​ຖານ​ໃຫ້​ນໍາ​ເອົາ​ບັນດາ​ເອກະສານ​ດັ່ງກ່າວ​ ເຂົ້າ​​ເຜີຍ​ແຜ່​ໃຫ້​ແກ່​ສະ ມາຊິກ​ພັກ​ໃນ​ເວລາ​ຮ່ວມ​ຊີວິດ​ພັກ​ປະ​ຈໍາ​ເດືອນ.

ກອງ​ປະຊຸມ​ໄດ້​ດໍາ​ມາ​ເຖິງ​ເວລາ 11:30 ​ໂມງ​ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 

 
ກອງປະຊຸມຝຶກອົບຮົມການອອກໃບຕາດິນ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ສຸກທີ່ 02 ກັນຍາ 2016 ເວລາ 10: 37

ໃນ​ລະຫວ່າງວັນ​ທີ 24-26 ສິງຫາ 2016  ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ເປີດ​ການ​ຝຶກ​ອົບຮົມ​ກ່ຽວກັບ​ວຽກ​ງານ​ການ​ສໍາ​ຫລວດ-ວັດ​ແທກ​ເພື່ອ​ຂຶ້ນ​ທະບຽນທີ່​ດິນ ​ແລະ ອອກ​ໃບ​ຕາດິນ​ດ້ວຍ​ລະບົບ​ທັນ​ສະ​ໄໝ ໂດຍການເປັນປະທານຂອງ ສະຫາຍ ພອນ​ໄຊ ສະ​ໄໝ​ອິນ​ສີ​ມອນ ຄະນະພັກຮາກຖານ, ຮອງຫົວໜ້າ​ພະ​ແນ​ກ ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ມີ​ຄະນະ​ຄູ​ຝຶກ​ມາ​ຈາກ​ສູນ​ຂໍ້​ມູນ​ຂ່າວສານ ​ແລະ ກົມ​ຄຸ້ມ​ຂອງ​ທີ່​ດິນ, ກະຊວງ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ພ້ອມ​ດ້ວຍ​ນັກ​ສໍາ​ມະ​ນາ    ກ​ອນຈາກ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແລະ ຫ້ອງການ​ຊັບ 10 ​ເມືອງ​ເຂົ້າ​ຮ່ວມ​ທັງ​ໝົດ 50 ຄົນ,ຍິງ 07 ຄົນ.

ທ່ານປະທານ​ກໍ່​ໄດ້​​ເນັ້ນ​ໜັກ​ໃຫ້​ແກ່​ນັກ​ສໍາ​ມະ​ນາກ​ອນ​ໃຫ້​ເອົາ​ໃຈ​ໃສ່​ໃນ​ການ​ຝຶກ​ອົມ​ຮົມ​ຄັ້ງ​ນີ້​ເພື່ອ​ເຮັດ​ໃຫ້​ວຽກ​ງານ​ການ​ອອກ​ໃບ​ຕາດິນ​ໃຫ້​ໄດ້​ຕາມ​ແຜນການ​ຂອງ​ກະຊວງ​ມອບ​ໃຫ້

​ໃນ​ການ​ຝຶກ​ອົບຮົມ​ຄັ້ງ​ນີ້​ໄດ້​ຝຶກ Program Laolandreg ​ແລະ Program QGIS

ຈາກ​ນັ້ນ, ​ໃນ​ລະຫວ່າງ​ວັນ​ທີ 29/8 – 2/9/2016 ກໍ່​ໄດ້​ລົງ​ຝຶກ​ເຮັດ​ຕົວ​ຈິງ​ຢູ່​ທີ່ບ້ານ ​ເວີນ​ໂສມ, ​ເມືອງ ​ໂຂງ ​ແຂວງ ຈໍາປາ​ສັກ ຈໍານວນ 05 ວັນ​ມີ​ຜູ້​ເຂົ້າ​ຮ່ວມ 40 ຄົນ, ຍິງ 5 ຄົນ.

LAST_UPDATED2
 
ກອງປະຊຸມປະເມີນໜ່ວຍພັກແຂງໜ່ວຍຂໍ້ມູນຂ່າວສານ-ອຸຕຸນິຍົມ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ອັງຄານທີ່ 23 ສິງຫາ 2016 ເວລາ 09: 16

​​​​ວັນ​ທີ 22 ສິງຫາ 2016 ​ເວລາ 14:00 ​ໂມງ ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ໜ່ວຍພັກຂະແໜງຂໍ້​ມູນ​ຂ່າວ​ສານ​​ໄດ້​ເປີດກອງປະຊຸມປະເມີນ ຜົນໜ່ວຍ ພັກເຂັ້ມແຂງຮູ້ນໍາພາຮອບດ້ານສົກ​ປີ 2015-2016 ໂດຍການເປັນປະທານຂອງ ສະຫາຍ ພອນ​ໄຊ ສະ​ໄໝ​ອິນ​ສີ​ມອນ ຄະນະພັກຮາກຖານ, ຮອງຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ເຊີງ​ມີ​ຄະນະກໍາມະການປະເມີນຜົນໜ່ວຍພັກເຂັ້ມແຂງ ຮູ້ນໍາພາຮອບດ້ານຂັ້ນແຂວງ, ຄະນະ​ພັກ, ໜ່ວຍ​ພັກ, ຕາງໜ້າ​ອົງການ​ຈັດ​ຕັ້ງ​ມະຫາຊົນທີ່ຂຶ້ນກັບຄະນະ ພັກຮາກຖານ, ພ້ອມ​ດ້ວຍ​ສະມາຊິກ​ພັກພາຍ ໃນໜ່ວຍ​ເຂົ້າ​ຮ່ວມ​ທັງ​ໝົດ 28 ສະຫາຍ,ຍິງ 04 ສະຫາຍ.

ສະຫາຍ ​ວົງ​ພະຈັນ ພອນ​ຈິດ, ຮອງ​ເລຂາໜ່ວຍພັກຂະແໜງຂໍ້​ມູນ​ຂ່າວສານ-ອຸຕຸນິຍົມ​, ໄດ້ຜ່ານຂັ້ນ​ຕອນ​ການ​ປະ​ເມີນຜົນໜ່ວຍພັກເຂັ້ມແຂງ ຮູ້ນໍາພາຮອບດ້ານສົກ​ປີ 2015-2016

ຈາກ​ນັ້ນ, ສະຫາຍ ​ໄຊ​ຍະ​ສິດ​ ວິລະ​ພັດ, ຫົວໜ້າຂະ​ແໜງ​ກອງ​ເລຂາ​ປ້ອງ​ກັນ​ແລະ​ຄວບ​ຄຸມ​ໄພພິບັດກໍ່​ໄດ້​ຂຶ້ນ​ຜ່ານ​ຂັ້ນ​ຕອນ​ການ​ປະ​ເມີນ​ວຽກ​ງານ​ລັດຖະກອນ ​ແລະ ຕາງໜ້າ​ອົງການ​ຈັດ​ຕັ້ງ​ກໍ່​ໄດ້​ຂຶ້ນ​ຜ່ານ​ຂັ້ນ​ຕອນ​ການ​ປະ​ເມີນວຽກ​ງານອົງການ​ຈັດ​ຕັ້ງ.

​ຈາກ​ນັ້ນ, ສະຫາຍ ຄໍາ​ລ້ານ ​ແກ້ວ​ບຸບຜາ ​ເລຂາ​ໜ່ວຍ​ພັກຂະແໜງຂໍ້​ມູນ​ຂ່າວສານ-ອຸຕຸນິຍົມກໍ່​ໄກ້​ຂຶ້ນ​ຜ່ານບົດສໍາ​ຫລວດ​ການ​ນໍາພາ​ລວມ​ໃນ 1 ປີ.

ຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກສະຫາຍ ພອນ​ໄຊ ສະ​ໄໝ​ອິນ​ສີ​ມອນ, ກ່ອນ​ອືນ​ສະຫາຍ​ກໍ່​ໄດ້​ຍ້ອງຍໍ​ຊົມ​ເຊີຍ​ຜົນງານ​ທີ່​ຍາດ​ມາ​ໄດ້ ​ແລະ ກໍ່ຊີ້​ທິດ​ເຍືອງ​ທາງ​ໃຫ້​ແກ່​ຄະນະ​ນໍາຂອງ​ໜ່ວຍ​ພັກ​ໃຫ້​​ເອົາ​ໃຈ​ໃສ່​ບາງ​ບັຫາ​ດັ່ງ​ນີ້:

  1. ສຶກສາ​ອົມ​ຮົມ​ທາງ​ດ້ານ​ການ​ເມືອງ​ແນວ​ຄິດ​ໃຫ້​ແກ່​ສະມາຊິກ​ພັກ​ພະນັກງານ​​ໃຫ້​ມີ​ຄວາມ​ໜັກ​ແໜ້ນ​ທາງ​ດ້ານ​ການ​ເມືອງ.
  2. ​ເອົາ​ໃຈ​ໃສ່​​ສືບຕໍ່ຈັດ​ຕັ້ງ​ປະຕິບັດ​ວຽກ​ງານ​ວິຊາ​ສະ​ເພາະໃຫ້ສໍາ​ເລັດ​ຕາມ​ແຜນການ​ທີ່​ວາງ​ໄວ້,
  3. ​ໃຫ້​ເອົາ​ໃຈ​ໃສ່​ປະຕິບັດ​ມູນ​ເຊື້ອ​ຂອງ​ພັກ​ເປັນ​ຕົ້ນ​ຄວາມສາມັກຄີ ​ແລະ ​ເປັນ​ເອກະ​ພາບ​ພາຍ​ໃນ​ພັກ.
  4. ​ເອົາ​ໃຈ​ໃສ່​ປະຕິບັດ​ຂໍ້​ແຂ່ງຂັນ​ໃນ 8 ມາດຖານ​ເພື່ອ​ສ້າງ​ໃຫ້​ໄດ້ 9 ປະຖົມ​ປັດ​ໃຈ​ໃຫ້​ກ້າວ​ຂຶ້ນ​ສັງຄົມ​ນິຍົມ

ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 16:00 ​ໂມງ​ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

LAST_UPDATED2
 
ກອງປະຊຸມປະເມີນໜ່ວຍພັກແຂງໜ່ວຍບໍລິຫານແຜການ-ການເງິນ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 22 ສິງຫາ 2016 ເວລາ 14: 52

​​ວັນ​ທີ 22 ສິງຫາ 2016 ​ເວລາ 08:30 ​ໂມງ ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ໜ່ວຍພັກຂະແໜງບໍລິຫານແຜນການ-ການເງິນ ແລະ ທໍລະນີສາດໄດ້ເປີດກອງປະຊຸມປະເມີນຜົນໜ່ວຍພັກເຂັ້ມແຂງຮູ້ນໍາພາ ຮອບດ້ານສົກ​ປີ 2015-2016 ໂດຍການເປັນປະທານຂອງ ສະຫາຍ ຄໍາໃບ ວົງຈະເລີນ ຮອງ​ເລຂາຄະນະພັກຮາກຖານ, ຮອງຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ເຊີງ​ມີ​ຄະນະກໍາມະ ການປະເມີນຜົນ ໜ່ວຍພັກເຂັ້ມແຂງ ຮູ້ນໍາພາຮອບດ້ານຂັ້ນແຂວງ, ຄະນະ​ພັກ, ໜ່ວຍ​ພັກ, ຕາງໜ້າ​ອົງການ​ຈັດ​ຕັ້ງ​ມະຫາຊົນທີ່ຂຶ້ນກັບຄະນະພັກຮາກຖານ, ພ້ອມ​ດ້ວຍ​ສະມາຊິກ​ພັກພາຍ ໃນໜ່ວຍ​ເຂົ້າ​ຮ່ວມ​ທັງ​ໝົດ 20 ສະຫາຍ,ຍິງ 5 ສະຫາຍ.ສະຫາຍ ​ຈັນທະ​ບູນ ສີປະ​ເສີດ, ຄະນະ​ພັກຮາກຖານ, ​ເລຂາໜ່ວຍພັກຂະແໜງບໍ ລິຫານແຜນການ-ການເງິນ ແລະ ທໍລະນີສາດ​, ໄດ້ຜ່ານຂັ້ນ​ຕອນ​ການ​ປະ​ເມີນຜົນໜ່ວຍພັກເຂັ້ມແຂງ ຮູ້ນໍາພາຮອບດ້ານສົກ​ປີ 2015-2016 ​ແລະ ບົດສໍາ​ຫລວດ​ການ​ນໍາພາ​ລວມ​ໃນ 1 ປີ ແລະ ທິດ ທາງແຜນການ 1 ປີຕໍ່ໜ້າ.ຈາກ​ນັ້ນ, ສະຫາຍ ນາງ​ວິ​ໄລ ​ເຮືອງ​ສີ ຮອງ​ເລຂາ​ໜ່ວຍ​ພັກ, ຫົວໜ້າຂະ​ແໜງ​ບໍລິຫານ ແຜນການ-ການເງິນກໍ່​ໄດ້​ຂຶ້ນ​ຜ່ານ​ຂັ້ນ​ຕອນ​ການ​ປະ​ເມີນ​ວຽກ​ງານ​ລັດຖະກອນ ​ແລະ ຕາງໜ້າ​ອົງການ​ຈັດ​ຕັ້ງ​ກໍ່​ໄດ້​ຂຶ້ນ​ຜ່ານ​ຂັ້ນ​ຕອນ​ການ​ປະ​ເມີນວຽກ​ງານອົງການ​ຈັດ​ຕັ້ງ.ຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກສະຫາຍ ຄໍາ​ໃບ ວົງ​ຈະ​ເລີ​ນ, ກ່ອນ​ອືນ​ສະຫາຍ​ກໍ່​ໄດ້​ຍ້ອງຍໍ​ຊົມ​ເຊີຍ​ຜົນງານ​ທີ່​ຍາດ​ມາ​ໄດ້ ​ແລະ ກໍ່ຊີ້​ທິດ​ເຍືອງ​ທາງ​ໃຫ້​ແກ່​ຄະນະ​ນໍາຂອງ​ໜ່ວຍ​ພັກພ້ອມ​ດ້ວຍ​ສະມາຊິກ​ພັກ, ​ໃຫ້​ຄະນະ​ໜ່ວຍ​ພັກ​ເອົາ​ໃຈ​ໃສ່​ສຶກສາ​ອົມ​ຮົມ​ທາງ​ດ້ານ​ການ​ເມືອງ​ແນວ​ຄິດ​ໃຫ້​ແກ່​ສະມາຊິກ​ພັກ​ພະນັກງານ​​ໃຫ້​ມີ​ຄວາມ​ໜັກ​ແໜ້ນ​ທາງ​ດ້ານ​ການ​ເມືອງ ​ແລະ ​​ສືບຕໍ່ຈັດ​ຕັ້ງ​ປະຕິບັດ​ວຽກ​ງານ​ໃຫ້ສໍາ​ເລັດ​ຕາມ​ແຜນການ​ທີ່​ວາງ​ໄວ້, ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 11:00 ​ໂມງ​ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

LAST_UPDATED2
 
ພິທີມອບ-ຮັບໃບຢັ້ງຢືນຂໍ້ແຂ່ງຂັນ 5 ເປັນເຈົ້າສົກປີ 2015-2016 PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 22 ສິງຫາ 2016 ເວລາ 11: 07

ວັນ​ທີ 19 ສິງຫາ 2016 ​ເວລາ 13:30 ​ໂມງ ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ກໍາມະບານ​ຮາກ​ຖານພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ​ໄດ້​ຈັດ​ພິທີ​ມອບ-ຮັບ​ໃບ​ຢັ້ງຢືນ​ຂະ​ບວນການ​ແຂ່ງຂັນ 5 ​ເປັນ​ເຈົ້າສົກ​ປີ 2015-2016 ໂດຍການເປັນປະທານຂອງ ສະຫາຍ ພອນ​ໄຊ ສະ​ໄໝ​ອິນ​ສີ​ມອນ ຄະນະພັກຮາກຖານ, ຄະນະ​ກໍາມະການ​ສະຫະພັນ​ກໍາມະບານ​ແຂວງ, ປະທານ​ກໍາມະບານ​ຮາກ​ຖານ ພຊສ, ຮອງຫົວໜ້າ​ພະ​ແນ​ກ ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ໂດຍ​ການ​ໃຫ້ກຽດ​ເຂົ້າ​ຮ່ວມ​ຂອງ​ສະຫາຍ ລາຕີ ສີ​ມະນີ​ວົງ ຮອງ​ປະທານ​ສະຫະພັນ​ກໍາມະບານ​ແຂວງ​ຈໍາປາ​ສັກເຊີງ​ມີ​ຄະນະ ກໍາມະ ບານ​ຮາກ​ຖານ, ຄະນະ​ພັກ, ໜ່ວຍ​ພັກ, ຕາງໜ້າ​ອົງການ​ຈັດ​ຕັ້ງ​ມະຫາຊົນທີ່ຂຶ້ນກັບ ຄະນະພັກຮາກ ຖານ, ພ້ອມ​ດ້ວຍ​ສະມາຊິກ​ກໍາມະບານ​ເຂົ້າ​ຮ່ວມ​ທັງ​ໝົດ 120 ສະຫາຍ,ຍິງ 60 ສະຫາຍ.ສະຫາຍ ພອນ​ໄຊ ສະ​ໄໝ​ອິນ​ສີ​ມອນ ຄະນະພັກ ຮາກຖານ, ຄະນະ​ກໍາມະການ​ສະຫະພັນ​ກໍາມະບານ​ແຂວງ, ປະທານ​ກໍາມະບານ​ຮາກ​ຖານ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ຂຶ້ນ​ຜ່ານ​ບົດ​ສໍາ​ຫລວດ​ການ​ນໍາພາ​ຕໍ່ທີ່​ປະຊຸມ​ຮັບ​ຊາບ.ຈາກ​ນັ້ນ​ສະຫາຍ​ ຈິດ​ຕະຫລາດ ຄໍາ​ພູມີ ຄະນະ​ພັກ​ຮາກ​ຖານ, ຮອງ​ປະທານ​ກໍາມະບານຮາກຖານ, ຫົວໜ້າຂະແໜງ ຄຸ້ມຄອງທີ່ດິນໄດ້ຂຶ້ນຜ່ານຂໍ້ຕົກລົງຂອງປະທານສະຫະພັນ​ກໍາມະບານ​ແຂວງ​ຈໍາປາ​ສັກ.ຈາກ​ນັ້ນ,ສະ​ຫາຍ ລາຕີ        ສີ​ມະນີ​ວົງ ຮອງ​ປະທານ​ສະຫະພັນ​ກໍາມະບານ​ແຂວງ​ຈໍາປາ​ສັກ ກໍ່​ໄດ້​ໃຫ້ກຽດ ຂຶ້ນ​ມອບ​ໃບ​ຢັ້ງຢືນ 5 ​ເປັນ​ເຈົ້າ ​ແລະ ​ໃບ​ຍ້ອງຍໍ​ໃຫ້​ແກ່​ຄະນະ​ກໍາມະບານ​ຮາກ​ຖານ ​ແລະ ສະມາຊິກສົກ​ປີ 2014-2015 ທັງໝົດຈໍານວນ 205 ສະຫາຍ, ຍິງ 58 ສະຫາຍຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກສະຫາຍ ລາຕີສີ​ມະນີ​ວົງ ຮອງ​ປະທານ​ ສະຫະພັນ​ກໍາມະບານ​ແຂວງ​ຈໍາປາ​ສັກ, ກ່ອນ​ອືນ​ສະຫາຍ​ກໍ່​ໄດ້​ຍ້ອງຍໍ​ຊົມ​ເຊີຍ​ຜົນງານ​ທີ່​ຍາດ​ມາ​ໄດ້ ​ແລະ ກໍ່ຊີ້​ທິດ​ເຍືອງ​ທາງ​ໃຫ້​ແກ່​ຄະນະ​ກໍາມະບານ​ຮາກ​ຖານ​ພ້ອມ​ດ້ວຍ​ສະມາຊິກ​​ທັງ​ໝົດ​​ສືບຕໍ່ຈັດ​ຕັ້ງ​ປະຕິບັດ​ວຽກ​ງານ​ໃຫ້ສໍາ​ເລັດ​ຕາມ​ແຜນການ​ທີ່​ວາງ​ໄວ້, ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 15:30 ​ໂມງ​ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 

LAST_UPDATED2
 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 6 of 22