Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້5
mod_vvisit_counterມື້ວານ67
mod_vvisit_counterອາທິດນີ້121
mod_vvisit_counterອາທິດແລ້ວນີ້373
mod_vvisit_counterເດືອນນີ້674
mod_vvisit_counterເດືອນແລ້ວນີ້331
mod_vvisit_counterລວມທັງຫມົດ143818

Online (20 minutes ago): 2
Your IP: 54.226.41.91
,
Today: ມ.ກ. 17, 2018

Who's Online

ເຮົາມີ 35 ບຸກຄົນທົ່ວໄປ ອອນໄລນ
ຍິນດີຕ້ອນຮັບ ເຂົ້າສູ່ເວບໄຊ ຂອງ ພະແນກ ຊັບພະຍາກອນ ທຳມະຊາດ ແລະ ສິ່ງແວດລ້ອມ ແຂວງ ຈຳປາສັກ
ພິທີມອບ-ຮັບໃບຢັ້ງຢືນປ້ອງກັນຄວາມສະຫງົບປະຈໍາສົກປີ2015-2016 PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພະຫັດທີ່ 11 ສິງຫາ 2016 ເວລາ 14: 58

​​ວັນ​ທີ 10 ສິງຫາ 2016 ​ເວລາ 9:00 ​ໂມງ ຢູ່​ທີ່​​ຢູ່​ທີ່​ຫ້ອງ​ປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​​ໄດ້​ຈັດ​ພິທີ​ມອບ-ຮັບ ​ໃບ​ຢັ້ງຢືນ ປ້ອງ​ກັນ​ຄວາມ​ສະຫງົບ​ດີ​ປະ​ຈໍາສົກ​ປີ 2015-2016 ໂດຍການ​ໃຫ້ກຽດເປັນປະທານຂອງ ສະຫາຍ ພົຈ ສີ​ພັນ ວົງ​ເຮືອງ​ຄໍາ ຄະນະ​ປະ​ຈໍາພັກແຂວງ, ຫົວໜ້າ​ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ແຂວງ ຈໍາປາ​ສັກ ​ໃນ​ນັ້ນ​ມີ​ຄະນກໍາມະການ​ປະ​ເມີນ​ປ້ອງ​ກັນ​ຄວາມ​ສະຫງົບ​ຂັ້ນ​ແຂວງ, ​ມີ​ຄະນະ​ພັກ, ໜ່ວຍ​ພັກ, ຕາງໜ້າ​ອົງການ​ຈັດ​ຕັ້ງ​ມະຫາຊົນ,ຕາງໜ້າ​ພະ​ແນ​ກການ​ອ້ອມ​ຂ້າງ​ແຂວງ ພ້ອມ​ດ້ວຍ​ພະນັກງານ​ລັດຖະກອນ​ເຂົ້າ​ຮ່ວມ​ທັງ​ໝົດ 115 ຄົນ,ຍິງ 60 ຄົນ.

ກອງ​ປະຊຸມ​ໄດ້​ຮັບ​ຮັບ​ການ​ຜ່ານ​ບົດ​ສະຫລຸບ​ວຽກ​ງານ​ປ້ອງ​ກັນ​ຄວາມ​ສະຫງົບ​ພາຍໃນພະນ​ແນ​ກຊັບ​ສົກ​ປີ 2015-2016 ​ແລະ ທິດ​ທາງ​ຕໍ່ໜ້າສະ​ເໜີ​ສະຫາຍ ​ແສງ​ສຸ​ລິ​ວັນ ອິນທະ​ຈັກ ຄະນະ​ພັກຮາກຖານ, ​ຫົວໜ້າ​ຂະ​ແໜງ​ຊັບພະຍາກອນ​ນໍ້າ.

ຈາກ​ນັ້ນ, ສະຫາຍ ພົຈ ສີ​ພັນ ວົງ​ເຮືອງ​ຄໍາ ຄະນະ​ປະ​ຈໍາພັກແຂວງ, ຫົວໜ້າ​ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ແຂວງ ຈໍາປາ​ສັກ, ກໍ່​ໄດ້​ໃຫ້ກຽດຂຶ້ນ​ມອບ​ໃບ​ຢັ້ງຢືນ ປ້ອງ​ກັນ​ຄວາມ​ສະຫງົບ​ດີ​ປະ​ຈໍາສົກ​ປີ 2015-2016, ຮັບ​ໂດຍ​ສະຫາຍ ຄໍາ​ໃບ ວົງ​ຈະ​ເລີ​ນ ຮອງ​ເລຂາ​ຄະນະ​ພັກ​ຮາກ​ຖານ,ວ່າການ​ຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ.

ຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກສະຫາຍ ພົຈ ສີ​ພັນ ວົງ​ເຮືອງ​ຄໍາ ຄະນະ​ປະ​ຈໍາພັກແຂວງ, ຫົວໜ້າ​ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ແຂວງ ຈໍາປາ​ສັກ, ກ່ອນ​ອືນ​ສະຫາຍ​ກໍ່​ໄດ້​ຍ້ອງຍໍ​ຊົມ​ເຊີຍ​ຜົນງານ​ທີ່​ຍາດ​ມາ​ໄດ້ ​ແລະ ກໍ່ຊີ້​ທິດ​ເຍືອງ​ທາງ​ໃຫ້​ແກ່​ຄະນະ​ນໍາພະ​ແນ​ກ​ໃຫ້​ເອົາ​ໃຈ​ໃສ່​ສຶກສາ​ອົບຮົມ​ທາງ​ດ້ານ​ການ​ເມືອງ​ແນວ​ຄິດ​ໃຫ້​ແກ່​ພະນັກງານ​ທີ່ຢູ່​ໃນ​ຄວາມ​ຮັບຜິດຊອບ​ຂອງ​ຕົນ, ທ່ານ​ຍັງ​ໄດ້​ຍົກ​ໃຫ້​ເຫັນ​ສະພາບ​ການ​ຂອງ​ກຸ່ມ​ຄົນ​ບໍ່ດີ​ທີ່​ຫວັງ​ທໍາລາຍ​ປະ​ເທດ​ຂອງ​ພວກ​ເຮົາ ​ແລະ ກໍ່​ໃຫ້​ເອົາ​ໃຈ​ໃສ່​ສືບຕໍ່​ໃນການ​ປ້ອງ​ກັນ​ຄວາມ​ສະຫງົບ​ສໍາ​ນັກ​ງານ​ໃຫ້​ມີ​ຄວາມ​ສະຫງົບ​, ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 11:30 ​ໂມງ​ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

LAST_UPDATED2
 
ພິທີມອບ-ຮັບໃບຢັ້ງຢືນ 4 ບຸກສົກປີ 2015-2016 PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 08 ສິງຫາ 2016 ເວລາ 14: 52

​​ວັນ​ທີ 5 ສິງຫາ 2016 ​ເວລາ 13:30 ​ໂມງ ຢູ່​ທີ່​​ເດີ່ນ​ບານ​ເຕາະ ບິ​ກ​ເຮົາ​ສ ​ເມືອງ ປາກ​ເຊ ​ແຂວງ ຈໍາປາ​ສັກ, ຊາວ​ໜຸ່ມຮາກ​ຖານ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​​ໄດ້​ຈັດ​ພິທີ​ມອບ-ຮັບ ​ໃບ​ຢັ້ງຢືນ 4 ບຸກຕິດ​ພັນ​ກັບ​ຂໍ້​ແຂ່ງຂັນ 4 ບຸກ ​ແລະ ມອບ​ໃບ​ຍ້ອງຍໍ​ໃຫ້​ແກ່​ສະມາຊິກ​ຊາວ​ໜຸ່ມ​ພາຍ​ໃນ​ພະ​ແນ​ກສົກ​ປີ 2015-2016 ໂດຍການເປັນປະທານຮ່ວມຂອງ ສະຫາຍ ອຸດົມ​ສັກ ດີ​ວິ​ໄຊ ກໍາມະການພັກແຂວງ, ກໍາມະການສູນ​ກາງ​ຊາວ​ໜຸ່ມ​ປະຊາຊົນປຕິ​ວັດ​ລາວ, ​ເລຂາ​ຊາວ​ໜຸ່ມ​ແຂວງ ຈໍາປາ​ສັກ, ສະຫາຍ ຄໍາ​ໃບ ວົງ​ຈະ​ເລີ​ນ ຮອງ​ເລຂາຄະນະພັກຮາກຖານ, ຮອງຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ສະຫາຍ ​ໄຊ​ຍະ​ສິດ ວິລະ​ພັດ ຄະນະ​ປະ​ຈໍາ​ຊາວ​ໜຸ່ມ​ແຂວງ, ​ເລຂາ​ຊາວ​ໜຸ່ມຮາກຖານ, ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ ເຊີງ​ມີ​ຄະນະ​ພັກ, ໜ່ວຍ​ພັກ, ຕາງໜ້າ​ອົງການ​ຈັດ​ຕັ້ງ​ມະຫາຊົນ,ໜ່ວຍຊາວ​ໜຸ່ມອ້ອມ​ຂ້າງ ພ້ອມ​ດ້ວຍ​ສະມາຊິກ​ຊາວ​ໜຸ່ມ​ເຂົ້າ​ຮ່ວມ​ທັງ​ໝົດ 135 ຄົນ,ຍິງ 53 ຄົນ.

ສະຫາຍ ​ໄຊ​ຍະ​ສິດ ວິລະ​ພັດ ຄະນະ​ປະ​ຈໍາ​ຊາວ​ໜຸ່ມ​ແຂວງ, ​ເລຂາ​ຊາວ​ໜຸ່ມຮາກຖານ, ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ໄດ້ຜ່ານບົດສະຫລຸບການ ເຄື່ອນໄຫວວຽກງານ 4 ບຸກ​ໃນ​ໄລຍະ 1 ປີ ແລະ ທິດທາງແຜນການ 1 ປີຕໍ່ໜ້າ.

ຈາກ​ນັ້ນ, ສະຫາຍ ອຸດົມ​ສັກ ດີ​ວິ​ໄຊ ກໍາມະການພັກແຂວງ, ກໍາມະການສູນ​ກາງ​ຊາວ​ໜຸ່ມ​ປະຊາຊົນປຕິ​ວັດ​ລາວ, ​ເລຂາ​ຊາວ​ໜຸ່ມ​ແຂວງ ຈໍາປາ​ສັກ, ກໍ່​ໄດ້​ໃຫ້ກຽດມອບ​ໃບ​ຢັ້ງຢືນ 4 ບຸກ ​ໃຫ້​ແກ່​ຮາກ​ຖານ ​ແລະ ໜ່ວຍ​ຊາວ​ໜຸ່ມ​ທີ່​ຂຶ້ນ​ກັບ​ຈໍານວນ 10 ໜ່ວຍພ້ອມ​ທັງ​ມອບ​ໃບ​ຍ້ອງຍໍ​ໃຫ້​ແກ່​ສະມາຊິກ​ຊາວ​ໜຸ່ມ​ຜູ້​ທີ່​ມີ​ຜົນງານ​ດີ​ເດັ່ນ​ໃນ​ການຈັດ​ຕັ້ງ​ປະຕິ​ບັດ​ຂະ​ບວນການ​ຂໍ້​ແຂາງ​ຂັນ 4 ບຸກ.

ຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກສະຫາຍ ອຸດົມ​ສັກ ດີ​ວິ​ໄຊ, ກ່ອນ​ອືນ​ສະຫາຍ​ກໍ່​ໄດ້​ຍ້ອງຍໍ​ຊົມ​ເຊີຍ​ຜົນງານ​ທີ່​ຍາດ​ມາ​ໄດ້ ​ແລະ ກໍ່ຊີ້​ທິດ​ເຍືອງ​ທາງ​ໃຫ້​ແກ່​ຄະນະ​ນໍາຊາວ​ໜຸ່ມ​ຮາກ​ຖານ​ພ້ອມ​ດ້ວຍ​ສະມາຊິກ​ຊາວ​ໜຸ່ມ​ທັງ​ໝົດ​​ສືບຕໍ່ຈັດ​ຕັ້ງ​ປະຕິ ບັດ​ວຽກ​ງານ​ໃຫ້ສໍາ​ເລັດ​ຕາມ​ແຜນ ການ​ທີ່​ວາງ​ໄວ້, ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 15:00 ​ໂມງ​ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

LAST_UPDATED2
 
ພິທີປ່ອຍປາຢູ່ບ້ານ ກຽດໂງ້ງ ເມືອງ ປະທຸມພອນ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ສຸກທີ່ 29 ກໍລິກົດ 2016 ເວລາ 10: 03

​​ວັນ​ທີ 22 ກໍລະກົດ 2016 ​ເວລາ 8:30 ​ໂມງ ຢູ່​ທີ່​ ບໍລິ​ເວນ​ ບຶງ​ກຽດ​ໂງ້ງ ບ້ານ ກຽດ​ໂງ້ງ ​ເມືອງ ປະທຸມ​ພອນ ​ແຂວງຈໍາປາ​ສັກ, ​​ເມືອງ ປະທຸມ​ພອນ​ ຮ່ວມ​ກັບ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ , ຈັດ​ງານ​ສະ​ເຫລີ​ມສະຫລອງ​ວັນ​ປ່ອຍປາ ​ແລະ ອະນຸລັກ​ສັດ​ນໍ້າ​ສັດປ່າ​ແຫ່ງ​ຊາດ 13 ກໍລະກົດ 2016, ໂດຍການເປັນປະທານຂອງ ສະຫາຍ ​ວຽງສະ​ໄໝ  ຮອງ​ເລຂາ​ພັກ​ເມືອງ, ຮອງ​ເຈົ້າ​ເມືອງ ປະທຸມ​ພອນ ເຊີງ​ມີ​ຄະນະພັກ, ຄະນະ​ນໍາພະ​ແນ​ກການ​ອ້ອມ​ຂ້າງ​ແຂວງ, ຄະ​ນໍາ​ຂອງ​ເມືອງ ປາກ​ຊ່ອງ, ຄະນະນໍາ​ຂອງບ້ານ, ພ້ອມ ດ້ວຍສະມາຊິກ​ພັກ, ພະນັກງານ​ລັດຖະກອນ ​​ແລະ ພໍ່​ແມ່​ປະຊາຊົນ​ບ້ານ​ທີ່​ກ່ຽວຂ້ອງ​ເຂົ້າ​ຮ່ວມ ລວມທັງໝົດ 200 ກົ່ວຄົນ,ຍິງ 50 ກົ່ວຄົນ.

ທ່ານ ວິ​ໄຊ ດາວ​ໄຫລ ກໍາມະການ​ພັກ​ເມືອງ, ຫົວໜ້າ​ຫ້ອງການ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ​ໄດ້​ຜ່ານ​ຂໍ້​ຕົກລົງ​ຂອງ​ທ່ານ​ເຈົ້າ​ເມືອງ ​ແລະ ລາຍ​ງານ​ຜົນ​ການ​ກະກຽມ​ໃນ​ການສະ​ເຫີມ​ສະຫລອງ​ວັນ​ປ່ອຍ​ປາ ​ແລະ ອະນຸລັກ​ສັດ​ນໍ້າ​ສັດປ່າ​ແຫ່ງ​ຊາດ.

ຈາກ​ນັ້ນ​ ທ່ານ ວຽງ​ສະ​ໄໝ, ຮອງ​ເລຂາ​ພັກ​ເມືອງ, ຮອງ​ເຈົ້າ​ເມືອງ ປະທຸມ​ພອນ ​ກໍ່​ໄດ້​ມີ​ຄໍາ​ເຫັນ​ຕໍ່ທີ່​ປະຊຸມ​ດັ່ງ​ນີ້: ທ່ານ​ໄດ້​ຍົກ​ໃຫ້​ເຫັນ​ຄວາມ​ໝາຍ​ຄວາມ​ສໍາຄັນ​ຂອງ​ວັນ​ດັ່ງກ່າວ ​ແລະ ​ໄດ້​ເນັ້ນ​ໜັກ​ໃຫ້​ທຸກ​ຄົນ​ເອົາ​ໃຈ​ໃສ່​ໃນ​ການ​ປົກ​ປັກ​ຮັກສາ​ອະນຸລັກ​ສັດ​ນໍ້າ-ສັດປ່າ​ໃຫ້​ມີ​ຄວາມ​ຢືນ​ຍົງ​ຕະຫລອດ​ໄປ, ​ພິທີ​​ດັ່ງກ່າວໄດ້​ດໍາ​ເນີນ​ມາ​ເຖີງ​ເວລາ 9:30 ​ໂມງ, ທ່ານ​ປະ​ທານ​ໄດ້​​ຮຽນ​ເຊີນ​ທຸກ​ພາກສ່ວນ​ທີ່​ເຂົ້າ​ຮ່ວມ​ດໍາ​ເນີນ​ການ​ປ່ອຍ​ປາ​ຢ່າງ​ເປັນ​ທາງ​ການ.

​ໃນ​ນັ້ນ, ປາ​ທີ່​ໄດ້​ປ່ອຍ​ໃນ​ຄັ້ງ​ນີ້​ມີ​ຈໍານວນ 100,000 ກົ່ວໂຕ.

 

 

LAST_UPDATED2
 
ພິທີປ່ອຍປາ ຢູ່ບ້ານ ຫ້ວຍຊອຍ ເມືອງ ປາກຊ່ອງ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 18 ກໍລິກົດ 2016 ເວລາ 09: 56

​​ວັນ​ທີ 15 ກໍລະກົດ 2016 ​ເວລາ 8:30 ​ໂມງ ຢູ່​ທີ່​ ບໍລິ​ເວນ​ວັງສະ​ຫງວນບ້ານ ຫ້ວຍ​ຊອຍ ​ເມືອງ ປາກ​ຊ່ອງ ​ແຂວງຈໍາປາ​ສັກ, ​​ເມືອງ ປາກ​ຊ່ອງ​ ຮ່ວມ​ກັບ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ , ຈັດ​ງານ​ສະ​ເຫລີ​ມສະຫລອງ​ວັນ​ປ່ອຍປາ ​ແລະ ອະນຸລັກ​ສັດ​ນໍ້າ​ສັດປ່າ​ແຫ່ງ​ຊາດ 13 ກໍລະກົດ 2016, ໂດຍການເປັນປະທານຂອງ ສະຫາຍ ​ສຸປານີ ສີ​ລິປຸ​ນ​ໂຍ ກໍາມະການ​ພັກ​ແຂວງ, ​ເລຂາ​ຄະນະ​ພັກ​ຮາກ​ຖານ, ຫົວໜ້າ​ພະ​ແນ​ກ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ເຊີງ​ມີ​ຄະນະພັກ, ຄະນະ​ນໍາພະ​ແນ​ກການ​ອ້ອມ​ຂ້າງ​ແຂວງ, ຄະ​ນໍາ​ຂອງ​ເມືອງ ປາກ​ຊ່ອງ, ຄະນະນໍາ​ຂອງບ້ານ, ພ້ອມ ດ້ວຍສະມາຊິກ​ພັກ, ພະນັກງານ​ລັດຖະກອນ ​​ແລະ ພໍ່​ແມ່​ປະຊາຊົນ​ບ້ານ​ທີ່​ກ່ຽວຂ້ອງ​ເຂົ້າ​ຮ່ວມ ລວມທັງໝົດ 300 ກົ່ວຄົນ,ຍິງ 70 ກົ່ວຄົນ.

ທ່ານ ພິມພອນ ກໍາມະການ​ພັກ​ເມືອງ, ຫົວໜ້າ​ຫ້ອງການ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ​ໄດ້​ຜ່ານ​ຂໍ້​ຕົກລົງ​ຂອງ​ທ່ານ​ເຈົ້າ​ເມືອງ.

ທ່ານ ຄໍາ​ປຸນ ​ແສງ​ອາ​ລຸນ, ຄະນະ​ປະ​ຈໍາ​ພັກເຈົ້າ, ປະທານ​ແນວ​ລາວ​ສ້າງ​ຊາດເມືອງປາກຊ່ອງ, ​ໄດ້​ຜ່ານ​ບົດ​ລາຍ​ງານ​ການ​ກະກຽມປ່ອຍ​ປາ​ໃນ​ຄັ້ງ​ນີ້​ຕໍ່ທີ່​ປະຊຸມ.

ຈາກ​ນັ້ນ​ທ່ານ​ ສຸປານີ ສີລິປຸນໂຍ ​ກໍ່​ໄດ້​ມີ​ຄໍາ​ເຫັນ​ຕໍ່ທີ່​ປະຊຸມ​ດັ່ງ​ນີ້: ທ່ານ​ໄດ້​ຍົກ​ໃຫ້​ເຫັນ​ຄວາມ​ໝາຍ​ຄວາມ​ສໍາຄັນ​ຂອງ​ວັນ​ດັ່ງກ່າວ ​ແລະ ​ໄດ້​ເນັ້ນ​ໜັກ​ໃຫ້​ທຸກ​ຄົນ​ເອົາ​ໃຈ​ໃສ່​ໃນ​ການ​ປົກ​ປັກ​ຮັກສາ​ອະນຸລັກ​ສັດ​ນໍ້າ-ສັດປ່າ​ໃຫ້​ມີ​ຄວາມ​ຢືນ​ຍົງ​ຕະຫລອດ​ໄປ, ​ພິທີ​​ດັ່ງກ່າວໄດ້​ດໍາ​ເນີນ​ມາ​ເຖີງ​ເວລາ 9:30 ​ໂມງ, ທ່ານ​ປະ​ທານ​ໄດ້​​ຮຽນ​ເຊີນ​ທຸກ​ພາກສ່ວນ​ທີ່​ເຂົ້າ​ຮ່ວມ​ດໍາ​ເນີນ​ການ​ປ່ອຍ​ປາ​ຢ່າງ​ເປັນ​ທາງ​ການ.

​ໃນ​ນັ້ນ, ປາ​ທີ່​ໄດ້​ປ່ອຍ​ໃນ​ຄັ້ງ​ນີ້​ມີ​ຈໍານວນ 100,000 ໂຕ.

LAST_UPDATED2
 
ທ່ານເຈົ້າແຂວງໆຈໍາປາສັກລົງຊຸກຍູ້ບັນດາໂຄງການລົງທຶນພາຍໃນແລະຕ່າງປະເທດຢູ່ເມືອງ ປາກຊ່ອງ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພະຫັດທີ່ 14 ກໍລິກົດ 2016 ເວລາ 15: 52

​​ວັນ​ທີ 12 ກໍລະກົດ 2016 ​ເວລາ 8:00 ​ໂມງ, ທ່ານ ປອ ບຸນ​ຖອງ ດີ​ວິ​ໄຊ ກໍາມະການສູນ​ກາງ​ພັກ, ​ເລຂາ​ພັກ​ແຂວງ, ​ເຈົ້າ​ແຂວງໆ ຈໍາປາ​ສັກ, ລົງ​ເຄື່ອນ​ໄຫວ​ຊຸກຍູ້​ວຽກ​ງາ​ນຢູ່​ບັນດາ​ໂຄງການ​ຕ່າງໆ ທີ່​​ເມືອງ ປາກ​ຊ່ອງ ​ແຂວງ ຈໍາປາ​ສັກ,ເຊັ່ນ: ບໍລິສັດ ປາກ​ຊ່ອງ​ໄອ​ແລນ, ບໍລິສັດ ພັດທະນາ​ກະສິກໍາ​ດ້າຍ​ຖັງ ຈໍ​າກັດ​ຜູ້ດຽວ,  ​ໂຄງການ​ຮ່ວມ​ມື​ລາວ-ຈີ​ນ ​ແລະ ກຸ່ມ​ການ​ຜະລິດ​ພື​ດຜັກ​ປອດ​ສານ​ຜິດ, ລົງ​ຕິດຕາມ​ການ​ເຄື່ອນ​ໄຫວ​ຂອງ​ທ່ານ​ເຈົ້າ​ແຂວງ​ໃນ​ຄັ້ງ​ນີ້​ປະກອບ​ມີ​ພະ​ແນ​ກການ​ຂອງ​ແຂວງ ​ແລະ ​ເມືອງ ປາກ​ຊ່ອງ ​ເຊັ່ນ: ຫ້ອງ​ວ່າການ​ປົກຄອງ​ແຂວງ, ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ພະ​ແນ​ກອຸດ​ສາຫະ​ກໍາ-ການ​ຄ້າ, ພະ​ແນ​ກກະສິກໍາ-ປ່າ​ໄມ້, ພະ​ແນ​ກ​ແຜນການ-ການ​ລົງທຶນ, ພະ​ແນ​ກການ​ເງິນ, ທ່ານ ​ເຈົ້າ​ເມືອງ ປາກ​ຊ່ອງ, ຫ້ອງ​ວ່າການ​ປົກຄອງ​ເມືອງ, ຫ້ອງການ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ຫ້ອງການ​ອຸດ​ສາຫະ​ກໍາ-ການ​ຄ້າ​ເມືອງ, ຫ້ອງການກະສິກໍາ-ປ່າ​ໄມ້​ເມືອງ, ຫ້ອງການ​ແຜນການ-ການ​ລົງທຶນ​ເມືອງ ​​ແລະ ຫ້ອງການ​ການ​ເງິນ​ເມືອງ ລວມທັງໝົດ 33 ທ່ານ,ຍິງ 03 ທ່ານ.

ຈາກ​ນັ້ນ​ທ່ານ​ເຈົ້າ​ແຂວງ​ພ້ອມ​ຄະນະ​ໄດ້ລົງ​ເບິ່ງ​ສວນ​ປູກ​ກ​າ​ເຟຂອງ​ບໍລິສັດ ປາກ​ຊ່ອງ​ໄອ​ແລນ, ການລ້ຽງງົວ​ພັນ​ຊີ້ນ ​ແລະ ປູກ​ໝາກ​ໜອດ ຂອງ​ບໍລິສັດ ພັດທະນາ​ກະສິກໍາ​ດ້າຍ​ຖັງ ຈໍ​າກັດ​ຜູ້ດຽວ,     ( ລ້ຽງງົວ 2000 ​ໂຕ ​ແລະ ໝາກ​ໜອດ 300 ​ເຮັກຕາ ),​ໂຄງການ​ຮ່ວມ​ມື​ລາວ-ຈີ​ນ ​ແລະ ກຸ່ມ​ການ​ຜະລິດ​ພື​ດຜັກ​ປອດ​ສານ​ຜິດຂອງ​ບ້ານ ທົ່ງ​ເສັດ.

LAST_UPDATED2
 
ພິທີປ່ອຍປາ ຢູ່ບ້ານ ແກ້ງເກຍ ເມືອງ ບາຈຽງຈະເລີນສຸກ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 11 ກໍລິກົດ 2016 ເວລາ 09: 53

​​ວັນ​ທີ 08 ກໍລະກົດ 2016 ​ເວລາ 8:00 ​ໂມງ ຢູ່​ທີ່​ ຫ້ອງ​ການ​ນາຍບ້ານໆ ​ແກ້ງ​ເກ​ຍ ​ເມືອງ ບາ​ຈຽງຈະ​ເລີ​ນສຸກ ​ແຂວງ ຈໍາປາ​ສັກ, ​ຫ້ອງການ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ຮ່ວມ​ກັບ ຫ້ອງການກະສິກໍາ-ປ່າ​ໄມ້​ເມືອງ, ຈັດ​ງານ​ສະ​ເຫລີ​ມສະຫລອງ​ວັນ​ປ່ອຍປາ ​ແລະ ອະນຸລັກ​ສັດ​ນໍ້າ​ສັດປ່າ​ແຫ່ງ​ຊາດ 13 ກໍລະກົດ 2016, ໂດຍການເປັນປະທານຂອງ ສະຫາຍ ​ໂສມ ບຸດ​ຕະກຸນ ກໍາມະການ​ພັກ​ແຂວງ, ​ເລຂາ​ພັກ​ເມືອງ​ເຈົ້າ​ເມືອງໆ ບາຈຽງຈະ​ເລີ​ນສຸກ, ເຊີງ​ມີ​ຄະນະພັກ, ຄະນະ​ນໍາພະ​ແນ​ກການ​ອ້ອມ​ຂ້າງ​ແຂວງ, ​ເມືອງ, ບ້ານ, ພ້ອມດ້ວຍສະມາຊິກ​ພັກ, ພະນັກງານ​ລັດຖະກອນ ​​ແລະ ພໍ່​ແມ່​ປະຊາຊົນ​ບ້ານ​ທີ່​ກ່ຽວຂ້ອງ​ເຂົ້າ​ຮ່ວມ ລວມທັງໝົດ 200 ກົ່ວຄົນ,ຍິງ 80 ກົ່ວຄົນ.

ທ່ານ ສຸ​ມະນີ ວໍລະ​ສິງ ກໍາມະການ​ພັກ​ເມືອງ, ຫົວໜ້າ​ຫ້ອງການ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ​ໄດ້​ຜ່ານ​ຂໍ້​ຕົກລົງ​ຂອງ​ທ່ານ​ເຈົ້າ​ເມືອງ.

ທ່ານ ອໍານວຍ ​ເຮືອງ​ວົງສາ ກໍາມະການ​ພັກ​ເມືອງ, ຫົວໜ້າ​ຫ້ອງການກະສິກໍາ-ປ່າ​ໄມ້ ​ເມືອງ, ​ໄດ້​ຜ່ານ​ບົດ​ລາຍ​ງານ​ການ​ກະກຽມປ່ອຍ​ປາ​ໃນ​ຄັ້ງ​ນີ້​ຕໍ່ທີ່​ປະຊຸມ.

ຈາກ​ນັ້ນ​ທ່ານ​ປະທານ​ກໍ່​ໄດ້​ມີ​ຄໍາ​ເຫັນ​ຕໍ່ທີ່​ປະຊຸມ​ດັ່ງ​ນີ້: ທ່ານ​ໄດ້​ຍົກ​ໃຫ້​ເຫັນ​ຄວາມ​ໝາຍ​ຄວາມ​ສໍາຄັນ​ຂອງ​ວັນ​ດັ່ງກ່າວ ​ແລະ ​ໄດ້​ເນັ້ນ​ໜັກ​ໃຫ້​ທຸກ​ຄົນ​ເອົາ​ໃຈ​ໃສ່​ໃນ​ການ​ປົກ​ປັກ​ຮັກສາ​ອະນຸລັກ​ສັດ​ນໍ້າ-ສັດປ່າ​ໃຫ້​ມີ​ຄວາມ​ຢືນ​ຍົງ​ຕະຫລອດ​ໄປ, ​ພິທີ​​ດັ່ງກ່າວໄດ້​ດໍາ​ເນີນ​ມາ​ເຖີງ​ເວລາ 9:00 ​ໂມງ, ທ່ານ​ປະ​ທານ​ໄດ້​​ຮຽນ​ເຊີນ​ທຸກ​ພາກສ່ວນ​ທີ່​ເຂົ້າ​ຮ່ວມ​ດໍາ​ເນີນ​ການ​ປ່ອຍ​ປາ​ຢ່າງ​ເປັນ​ທາງ​ການ.

 

LAST_UPDATED2
 
ພິທີເຊືອມຊຶມມະຕິ 10 ແລະ ວັນສໍາຄັນຕ່າງໆຂອງຊາດຂອງພັກ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພະຫັດທີ່ 23 ມິຖຸນາ 2016 ເວລາ 14: 45

​​ວັນ​ທີ 23 ມິຖຸນາ 2016 ​ເວລາ 8:30 ​ໂມງ ຢູ່​ທີ່​ ຫ້ອງ​ປະຊຸມ​ພະ​ແນ​ກພະ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​​ໄດ້​ມີ​ພິທີ​​ເຊື່ອມ​ຊຶມ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ​ປະຊາຊົນ​ປະຕິວັດ​ລາວ, ມະຕິ​ກອງ​ປະຊຸມ​ຄົບ​ຄະນະ​​ບໍລິຫານງານ​ພັກ​ແຂວງ​ຄັ້ງ​ທີ 3 ສະ​ໄໝ​ທີ XII, ວັນ​ປະຫວັດສາດ​ສໍາຄັນ​ຕ່າງໆ ຂອງ​ຊາດ ​ຂອງ​ພັກ ​ແລະ ສາກົນ, ໂດຍການເປັນປະທານຂອງ ສະຫາຍ ພອນ​ໄຊ ສະ​ໄໝ​ອິນ​ສີ​ມອນ ຄະນະ​ພັກ​ຮາກ​ຖານ, ຄະນະ​ພະ​ແນ​ກ ຊສ ​ແຂວງ, ເຊີງ​ມີ​ຄະນະພັກ,ຄະນະ​ໜ່ວຍ​ພັກ​ທີ່​ຂຶ້ນ​ກັບ​ຮາກ​ຖານ​ພັກ ພະ​ແນ​ກ ຊສ ​ແຂວງ, ພ້ອມດ້ວຍສະມາຊິກ​ພັກ, ພະນັກງານ​ລັດຖະກອນ ​ພາຍ​ໃນ​ພະ​ແນ​ກ ລວມທັງໝົດ 80 ຄົນ,ຍິງ 50 ຄົນ. ໃນ​ພິທີສະຫາຍ ພອນ​ໄຊ ສະ​ໄໝ​ອິນ​ສີ​ມອນ ​ໄດ້​ບັນ​ລະ​ຍາຍ​ເອກະສານ​ດັ່ງ​ລຸ່ມ​ນີ້:

  1. ມະຕິ​ກອງ​ປະຊຸມ​ໃຫຍ່​ຄັ້ງ​ທີ່ X ຂອງ​ພັກ​ປະຊາຊົນ​ປະຕິວັດ​ລາວ.
  2. ມະຕິ​ກອງ​ປະຊຸມ​ຄົບ​ຄະນະ​​ບໍລິຫານງານ​ພັກ​ແຂວງ​ຄັ້ງ​ທີ 3 ສະ​ໄໝ​ທີ XII.
  3. ​ເອກະສານ​ວັນ​ໂຕນ​ຄຸກ​ຂອງ​ຜູ້​ນໍາ​ລາວຢ່າງ​ມະຫັດສະຈັນ.
  4. ​ເອກະສານວັນ​ຜ່າ​ວົງ​ປິດ​ລ້ອມ​ຂອງ​ກອງພັນ​ທີ 2
  5. ​ເອກະສານ​ວັນ​ເກີດ​ຂອງ​ປະທານ​ໂຮ​ຈີ​ມິນ.
  6. ເອກະສານ​ວັນ​ເກີດ​ຂອງ​ທ່ານ ກັກ​ມາກ.
  7. ​ເອກະສານ​ວັນ​ໄຊຊະນະ​ສົງຄາມ​ໂລກ​ຄັ້ງ​ທີ II ຂອງ​ອະດີດ​ສະຫະພາບ​ໂຊ​ວຽດ.

​ພິທີ​​ດັ່ງກ່າວໄດ້​​​ປີດ​ລົງໃນວັນດຽວກັນ

LAST_UPDATED2
 
ພິທີສະເຫຼີມສະຫຼອງວັນປູກຕົ້ນໄມ້ແຫ່ງຊາດ ແລະ ວັນສິ່ງແວດລ້ອມໂລກ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ອັງຄານທີ່ 07 ມິຖຸນາ 2016 ເວລາ 10: 49

 

​​ວັນ​ທີ 01 ມິຖຸນາ 2016 ​ເວລາ 8:30 ​ໂມງ ຢູ່​ທີ່​ບໍລິ​ເວນ​ອ່າງ​ໂຕ່ງ​ເຂື່ອນ​ໄຟຟ້າ​ເຊ​ປຽນ-​ເຊ​ນໍ້າ​ນ້ອຍ​ເຂດ​ບ້ານ ໜອງ​ພະ​ໜວນ ​ເມືອງ ປາກ​ຊ່ອງ ​ແຂວງ ຈໍາປາ​ສັກ, ​​ໄດ້​ເປີດ​ພິທີ​ວັນ​ປູກ​ຕົ້ນ​ໄມ້​ແຫ່ງ​ຊາດ ​ແລະ ວັນ​ສິ່ງ​ແວດ​ລ້ອມ​ໂລກ, ໂດຍການເປັນປະທານຂອງ ສະຫາຍ ປອ ບຸນ​ຖອງ ດີ​ວິ​ໄຊ ກໍາມະການສູນ​ກາງພັກ, ​ເລຂາ​ພັກ​ແຂວງ, ​ເຈົ້າ​ແຂວງໆ ຈໍາປາ​ສັກ, ເຊີງ​ມີ​ຄະນະປະ​ຈໍາ​ພັກ​ແຂວງ, ກໍາມະການ​ພັກ​ແຂວງ, ຄະນະ​ພັກ​ຄະນະພະ​ແນ​ກອ້ອມ​ຂາງ​ແຂວງ​, ຫົວໜ້າ​ຫ້ອງການ​ຊັບ 10 ຕົວ​ເມືອງ, ພ້ອມ ດ້ວຍພະນັກງານ​ລັດຖະກອນ ​ແລະ ພໍ່​ແມ່​ປະຊາຊົນ ລວມທັງໝົດ 500 ກົ່ວຄົນ,ຍິງ 150 ກົ່ວຄົນ.

ສະຫາຍ ຄໍາ​ສີ ປ່ຽງວໍລະ​ວົງ ກໍາມະການພັກແຂວງ, ​​ເລຂາ​ພັກ​ເມືອງໆ ເຈົ້າ​ເມືອງ ປາກ​ຊ່ອງ, ໄດ້​ຜ່ານ​ຂໍ້​ຕົກລົງ​ທ່ານ​ເຈົ້າ​ແຂວງໆ ຈໍາປາ​ສັກ ວ່າ​ດ້ວຍ​ການຈັດ​ພິທີ​ປູກ​ຕົ້ນໄມ້ ​ແລະ ຜ່ານ​ສານ​ຂອງ​ທ່ານ​ນາຍົກລັດຖະມົນຕີ, ກ່ຽວກັບ​ວັນ​ສິ່ງ​ແວດ​ລ້ອມ​ໂລກ, ຈາກ​ນັ້ນ, ສະຫາຍ ປະດິດ ວັນນະ​ລັດສະໝີ ກໍາມະການພັກແຂວງ, ຫົວໜ້າ​ພະ​ແນ​ກກະສິກໍາ-ປ່າ​ໄມ້​ແຂວງ ກໍ່​ໄດ້​ຂຶ້ນ​ລາຍ​ງານ​ການ​ກະກຽມ​​ໃນ​ການ​ປູກ​ຕົ້ນ​ໄມ້​ເຊັ່ນ: ການ​ກ້າ​ເບ້ຍ​ໄມ້ ​ແລະ ການ​ກະກຽມພຶ້ນທີ່​ຕໍ່ທີ່​ປະຊຸມຮັບ​ຊາບ.

ຈາກ​ນັ້ນ​ທ່ານ​ປະທານກໍ່​ໄດ້​ມີ​ຄໍາ​ເຫັນໂອ້​ລົມ​​ໃນ​ພິທີ ​ແລະ ທ່ານກໍ່​ໄດ້​ຍົກ​ໃຫ້​ເຫັນ​ຄຸນ​ປະ​ໂຫຍ​ດ ຂອງ​ປ່າ​ໄມ້ ​ແລະ ເນັ້ນ​ໜັກ​ໃຫ້ທຸກ​ພາກສ່ວນ​ເອົາ​ໃຈ​ໃສ່​ໃນ​ການ​ປູກ ​ແລະ ການ​ບູລະນະ​ຮັກສາ​ໃຫ້​ໄດ້​ຮັບ​ຜົນ​ດີ, ຈາກ​ນັ້ນ​ຮອດ​ເວລາ 10:00 ​ໂມງ, ທ່ານ​ປະ​ທ່ານ​ໄດ້​​ເປີດ​ພິທີ​ປູກ​ໄມ້​ຢ່າງ​ເປັນ​ທາງ​ການ

LAST_UPDATED2
 
ພິທິຮັບຟັງການໂອລົມຂອງທ່ານລັດຖະມົນຕີ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ສຸກທີ່ 03 ມິຖຸນາ 2016 ເວລາ 11: 03

 

ວັນ​ທີ 30 ພຶດສະພາ 2016 ​ເວລາ 14:30 ​ໂມງ ຢູ່​ທີ່​ຫ້ອງ​ປະຊຸມພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​​ໄດ້​ເປີດ​ກອງ​ປະຊຸມ​ຮັບ​ຟັງ​ການ​ໂອ້​ລົມ​ຂອງ​ທ່ານ​ລັດຖະມົນຕີ​ກະຊວງ​ຊັບ ໂດຍການ ເປັນປະທານຂອງ ສະຫາຍ ສົມ​ມາດ ພົນ​ເສນາ ກໍາມະການສູນ​ກາງພັກ, ລັດຖະມົນຕີ​ກະຊວງຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ເຊີງ​ມີ​ຄະນະກົມ, ຄະນະ​ພັກ​ຄະນະພະ​ແນ​ກ​, ຫົວໜ້າ​ຫ້ອງການ​ຊັບ 10 ຕົວ​ເມືອງ, ຫົວໜ້າ​ຂະ​ແໜງ 11 ຂະ​ແໜງພ້ອມ ດ້ວຍພະນັກງານ​ລັດຖະກອນ, ລວມທັງໝົດ 79 ຄົນ,ຍິງ 35 ຄົນ.

ສະຫາຍ ສຸປານີ ສີ​ລິປຸ​ນ​ໂຍ ກໍາມະການພັກແຂວງ, ຫົວໜ້າພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ໄດ້ລາຍ​ງານການເຄື່ອນໄຫວວຽກງານ​ໃນ​ໄລຍະ​ຜ່ານ​ມາ ແລະ ທິດທາງແຜນການຕໍ່ໜ້າ, ຈາກ​ນັ້ນ​ຫົວໜ້າ​ຫ້ອງການຊັບ 10 ຕົວ​ເມືອງ ກໍ່ໄດ້ລາຍ​ງານການເຄື່ອນໄຫວ ວຽກງານ​ໃນ​ໄລຍະ​ຜ່ານ​ມາ​ໃຫ້​ທ່ານ​ລັດຖະມົນຕີ​ຮັບ​ຊາບ.

ຕອນ​ທ້າຍ​ກອງ​ປະຊຸມ​ກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກທ່ານ​ປະທານ, ກ່ອນ​ອືນ​ທ່ານ​ປະທານ​ກໍ່​ໄດ້​ຍ້ອງຍໍ​ຊົມ​ເຊີຍ​ຜົນງານ​ທີ່​ຍາດ​ມາ​ໄດ້ ​ແລະ ກໍ່ຊີ້​ທິດ​ເຍືອງ​ທາງ​ໃຫ້​ແກ່​ພະ​ແນ​ກຊັບ ​ແລະ ຫ້ອງການ​ຊັບ 10 ຕົວ​ເມືອງ​​ສືບຕໍ່ຈັດ​ຕັ້ງ​ປະຕິບັດ​ວຽກ​ງານ​ໃຫ້ສໍາ​ເລັດ​ຕາມ​ແຜນການ​ທີ່​ວາງ​ໄວ້, ກອງ​ປະຊຸມ​ໄດ້​ດໍາ​ເນີນ​ມາ​ຮອດ​ເວລາ 16:30 ​ໂມງ​ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 

 
ບົດຄວາມ ອື່ນ ໆ...
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 7 of 22