Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້93
mod_vvisit_counterມື້ວານ0
mod_vvisit_counterອາທິດນີ້93
mod_vvisit_counterອາທິດແລ້ວນີ້606
mod_vvisit_counterເດືອນນີ້1488
mod_vvisit_counterເດືອນແລ້ວນີ້1576
mod_vvisit_counterລວມທັງຫມົດ145877

Online (20 minutes ago): 4
Your IP: 54.158.55.5
,
Today: ຕ. ລ. 23, 2017

Who's Online

ເຮົາມີ 48 ບຸກຄົນທົ່ວໄປ ອອນໄລນ
ຍິນດີຕ້ອນຮັບ ເຂົ້າສູ່ເວບໄຊ ຂອງ ພະແນກ ຊັບພະຍາກອນ ທຳມະຊາດ ແລະ ສິ່ງແວດລ້ອມ ແຂວງ ຈຳປາສັກ
ກອງປະຊຸມປັບປຸງປົວແປງທົ່ວພັກ,ຄະນະພັກຮາກຖານ ພຊສ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 31 ກໍລິກົດ 2017 ເວລາ 10: 56

ກອງ​ປະຊຸມ​ບັ້ນ​ດໍາ​ເນີນ​ຊີວິດ​ການ​ເມືອງປັບປຸງ​ປົວ​ແປງ​ ​ພັກ, ທົ່ວຄະນະ​ພັກ​ຮາກ​ຖານ, ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ໄດ້​ສໍາ​ເລັດ​ວັນ​ທີ 28 ກໍລະກົດ 2017 ໂດຍການ​ໃຫ້ກຽດ​ເຂົ້າ​ຮ່ວມຂອງ ສະຫາຍ ໜູ​ຈັນ ຈັນທະ​ພົງ ກໍາມະການ​ປະ​ຈໍາ​ພັກ​ແຂວງ, ປະທານ​ກວດກາ​ພັກ-ລັດ​ແຂວງ, ມີ​ຄະນະ​ພັກຮາກ​ຖານ, ​ຄະນະ​ໜ່ວຍ​ພັກ, ສະມາຊິກ​ພັກ ​ແລະ ຄະນະ​ຂະ​ແໜງ​ອ້ອມ​ຂ້າງພະ​ແນ​ກ​ເຂົ້າ​ຮ່ວມ​.

​ກອງ​ປະຊຸມ​ໄດ້​ຮັບ​ຟັງ​ການ​ຜ່ານ​ບົດ​ສະຫລຸບ​ຕີ​ລາຄາການ​ນໍາພາ-ຊີ້​ນໍາ ​ແລະ ທິດ​ທາງ​ຕໍ່ໜ້າ, ສະ​ເໜີ​ໂດຍ ສະຫາຍ​ ຄໍາ​ໃບ​ ວົງ​ຈະ​ເລີ​ນ ຮອງ​ເລຂາ​ຄະນະ​ພັກ​ຮາກ​ຖານ, ພ້ອມ​ນັ້ນ​ສະຫາຍ​ໃນ​ຄະນະ​ພັກ​ຮາກ​ຖານ, ຄະນະ​ໜ່ວຍ​ພັກ ​ແລະ ສະມາຊິກ​ພັກ ຍັງ​ໄດ້​ຜ່ານ​ບົດສໍາ​ຫລວດ​​ຕົນ​ເອງ​ ​ແລະ ​ໄດ້​ປະກອບ​ຄໍາ​ຄິດ​ເຫັນຊ່ວຍ​ເຫລືອ​ກັນ, ​ໃນ​ຄະນະ​ພັກ ​ແລະ ໜ່ວຍ​ພັກ​ເຕັມ​ໄປ​ດ້ວຍ​ບັນຍາກາດ​ຟົດ​ຟື້ນ, ສ້າງສັນ, ມີ​ຄວາມ​ເປັນ​ເອກະ​ພາບ​ຮັບປະກັນ​ໄດ້​ຄວາມ​ສາມັກຄີ​ເປັນ​ຢ່າງ​ດີ, ​ໃນບັ້ນດໍາເນີນ​ປັບປຸງ​ປົວແປງພັກຄັ້ງ ນີ້ຍັງໄດ້ທາບທາມລົງຄະແນນສຽງຄວາມເຊື່ອໝັ້ນໄວ້ວາງໃຈຕໍ່ບຸກຄົນແລະຄະນະພັກ, ພາຍໃນຄະນະ ພັກຮາກຖານ,ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ, ດ້ວຍຄວາມຮັບຜິດຊອບສູງ.

ຕອນ​ທ້າຍ​ກອງ​ປະຊຸມ, ສະຫາຍ ໜູ​ຈັນ ຈັນທະ​ພົງ ກໍາມະການ​ປະ​ຈໍາ​ພັກ​ແຂວງ, ປະທານ​ກວດກາ​ພັກ-ລັດ​ແຂວງ, ​ໄດ້​ຮຽກຮ້ອງໃຫ້​ຄະນະພັກ, ສະມາຊິກ​ພັກ​ ທົ່ວ ຮາກ​ຖານພັກ, ​ຈົ່ງພ້ອມ​ກັນ​ຜັນຂະຫຍາຍບັນດາເນື້ອໃນກອງປະຊຸມບັ້ນດໍາເນີນຊີວິດການເມືອງຄັ້ງນີ້ໃຫ້ປະກົດຜົນເປັນຈິງ​ຕາມລະ ດັບຄາດໝາຍທີ່ວາງໄວ້,ພ້ອມກັນຕັດສິນໃຈໃຫ້ມີການປ່ຽນແປງໃໝ່ຕາມການ ຊີ້ນໍາຂອງພັກຢ່າງແທ້ ຈິງເພື່ອສ້າງບາດກ້າວໃໝ່ທັງເພີ້ມການພັດທະນາ​ໃຫ້​ຄະນະພັກຮາກຖານ, ພຊສ , ໃຫ້ມີຄວາມກ້າວໜ້າ ແລະສ້າງໄດ້ຄວາມສາມັກຄີເປັນເອກະພາບພາຍໃນຄະນະພັກ ແລະ ສາມະຊິກພັກ ໃຫ້ເປັນປຶກແຜ່ນ ແໜ້ນໜາຕະຫລອດໄປ.

 
ກອງປະຊຸມຊຸກຍູ້ວຽກງານຊັບພະຍາກອນທໍາມະຊາດ ແລະ ສິງແວດລ້ອມ ເມືອງ ປາກຊ່ອງ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ພຸດທີ່ 19 ກໍລິກົດ 2017 ເວລາ 10: 32

​​​ວັນ​ທີ 17 ກໍລະກົດ 2017  ​ເວລາ 9:00 ​ໂມງ, ຢູ່​ທີ່ຫ້ອງການຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ ​ເມືອງ ປາກ​ຊ່ອງ, ແຂວງ ຈໍາປາ​ສັກ, ​ໄດ້​​ເປີດ​ກອງ​ປະຊຸມ​ປຶກສາ​ຫາລື​ກ່ຽວກັບ​ການຈັດ​ຕັ້ງ​ເຄື່ອນ​ໄຫວ​ວຽກ​ງານ​ຮອບດ້ານ​ໃນ​ໄລຍະ 6 ​ເດືອນ ​ແລະ ທິດ​ທາງ​ຕໍ່ໜ້າ ໂດຍການ​ໃຫ້ເປັນປະທານ ຂອງ ທ່ານ ຄໍາ​ສະຫວາດ ປະທຸມ​ມະ​ວົງ, ​​ຄະນະ​ພັກ, ຄະນະ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ​ ມີ​ຄະນະຂະ​ແໜງ​ການອ້ອມ​ຂ້າງ​ພະ​ແນ​ກ, ຄະນະ​ຫ້ອງການ, ພ້ອມ​ດ້ວຍ​ພັກ​ງານ ລັດຖະກອນ ​ເຂົ້າ​ຮ່ວມ​ທັງ​ໝົດ 12 ຄົນ,ຍິງ 01 ຄົນ.

ທີ່​ປະຊຸມ​ໄດ້​ຮັບ​ຟັງ​ການ​ລາຍ​ງານ​ການ​ເຄື່ອນ​ໄຫວ​ວຽກ​ງານ​ສະ​ເໜີ​ໂດຍ ທ່ານ ພິມ​ພອນ ພັນ​ດາ​ນຸວົງ ກໍາມະການ​ພັກ​​ເມືອງ, ​ຫ້ອງ​ໜ້າ​ຫ້ອງການຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ເມືອງ, ຈາກ​ນັ້ນ​ຜູ້​ເຂົ້າ​ຮ່ວມ​ກອງ​ປະຊຸມ​ກໍ່​ໄດ້​ປະກອບ​ຄໍາ​ເຫັນ​ແລກປ່ຽນການ​ຈັດ​ຕັ້ງ​ປະຕິບັດ​ວຽກ​ງານ​ຂອງ​ຫ້ອງການ​ຊັບ​ເປັນ​ຕົ້ນ, ວຽກ​ງານ​ທີ່​ດິນ, ວຽກ​ງານ​ສິ່ງ​ແວດ​ລ້ອມ, ວຽກ​ງານ​ນໍ້າ, ວຽກ​ງານ​ໄພພິບັດ ​ແລະ ວຽກ​ງານ​ອື່ນໆ ທີ່​ກ່ຽວກັບ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ.

ຕອນ​ທ້າຍ​ກອງ​ປະຊຸມ, ຍັງ​ໄດ້​ຮັບ​ຟັງ​ການ​ໂອ້​ລົມ​ຂອງ​ທ່ານ ຄໍາ​ສະຫວາດ ປະທຸມ​ມະ​ວົງ​ຄະນະພັກ, ​​ຄະນະ​ພະ​ແນ​ກ ກ່ອນ​ອື່ນ​ທ່ານ​ກໍ່​ໄດ້​ຊົມ​ເຊີຍ​ຕໍ່ຜົນງານ​ຂອງ ຫຊສ ທີ່​ຍາດ​ມາ​ໄດ້​, ພ້​ອມນັ້ນ​ທ່ານ​ກໍ່ໃຫ້​​ເອົາ​​ໃຈ​ໃສ່ສຶກສາ​ອົມ​ຮົມ​ທາງ​ດ້ານ​ການ​ເມືອງ​ແນວ​ຄິດ​ ໃຫ້​​ແກ່​ຖັນ​ແຖວ​ພະນັກງານ​ລັດຖະ ກອນ​ໃຫ້​ເປັນ​ປົກະຕິ, ພ້ອມ​ທັງ​ປະຕິບັດ​ວຽກ​ງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ພ້ອມ​ທັງ​ໃຫ້​ເອົາ​ໃຈ​ໃສ່​ຈັດ​ຕັ້ງ​ປະຕິບັດ​ວຽກ​ງານ​ວິຊາ​ສະ​ເພາະ​ເປັນ​ຕົ້ນ​ວຽກ​ງານ​ການ​ເກັບ​ລາຍ​ຮັບ​ວິຊາ​ການ​ເຂົ້າ​ງົບປະມານ​, ວຽກ​ງານ​ອອກ​ໃບ​ຕາດິນ, ວຽກ​ງານ​ສິ່ງ​​ແວດ​ລ້ອມ, ວຽກ​ງານ​ຈັດ​ຕັ້ງ​ພະນັກງານ ​ແລະ ວຽກ​ງານ ​3 ສ້າງ, ໃຫ້​ໄດ້​ຕາມ​ແຜນການທີ່​ວາງ​ໄວ້.

 

ກອງ​ປະຊຸມ​ໄດ້​ດໍາ​​ເນີນມາ​ເຖິງ​ເວລາ 12:00 ​ໂມງ​, ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 

 
ພິທີປາຖະກະຖາວັນສ້າງຕັ້ງສະຫະພັນແມ່ຍິງຄົບຮອບ 62 ປີ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ສຸກທີ່ 14 ກໍລິກົດ 2017 ເວລາ 11: 01

​​​ວັນ​ທີ 14 ກໍລະກົດ 2017  ​ເວລາ 8:30 ​ໂມງ, ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ມີພິທີປາຖະກະຖາເຫລົ່າມູນເຊື້ອວັນສ້າງຕັ້ງສະຫະພັນແມ່ ຍິງລາວ ຄົບ ຮອບ 62 ປີ ໂດຍການເປັນປະທານຮ່ວມຂອງ ສະຫາຍ ນາງ ບຸນສຸວັນ ໂພໄຊສະນະສັກ ຮອງປະທານສະຫະ ພັນແມ່ຍິງ ແຂວງ ແລະ ສະຫາຍ ຄໍາໃບ ວົງຈະເລີນ ຮອງເລຂາຄະນະພັກ ຮາກຖານ, ຮອງຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ ມີ​ຄະນະ​ພັກ​ຄະນະ​, ຄະນະຂະ​ແໜງ​, ອົງການ​ຈັດ​ຕັ້ງ​ມະຫາຊົນ, ພ້ອມ​ດ້ວຍ​ເອື້ອຍ​ນ້ອງ​ແມ່ຍິງ​ພາຍ​ໃນ​ພະ​ແນ​ກເຂົ້າ​ຮ່ວມ​ຢ່າງ​ພ້ອມພຽງ.

​ສະຫາຍ ນາງ ບຸນສຸວັນ ໂພໄຊສະນະສັກ ຮອງປະທານສະຫະພັນແມ່ຍິງແຂວງ ຈໍາປາ​ສັກ, ​ໄດ້​ຍົກ​ໃຫ້​ເຫັນ​ການ​ເຄື່ອນ​ໄຫວ​ຂອງ​ແມ່ຍິງ​ລາວໄລຍະ​ກ່ອນ​ປີ 1975 ​ແລະ​ໄລຍະ​ຫລັງ 1975 ( ກໍ່ຄື​ໄລຍະ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ ), ໄລຍະ​ກ່ອນ​ປີ 1975 ​ແມ່ຍິງ​ລາວ​ເຮົາ​ແມ່ນ​ອົງການ​ຈັດ​ຕັ້ງ​ໜຶ່ງ​ເຊີ່ງ​ແມ່ນກໍາລັງ​ແຮງ​​ທີ່​ຄຽງບ່າ​ຄຽງ​ໄຫລ່​ຂອງ​ພັກ​ປະຊາຊົນ​ລາວ, ​​ເຮັດ​ໜ້າ​ທີ່ໃນ​ການ​ຕໍ່ສູ້ປົດ​ປ່ອຍ​ຊາດ​ຢ່າງ​ອົງອາດ​ກ້າຫານ​ຈົນ​ໄດ້​ຮັບ​ໄຊຊະນະ​ເປັນ​ກ້າວໆ​ມາ, ພາຍຫລັງ​ປະ​ເທດ​ຊາດ​ໄດ້​ຮັບ​ການ​ປົດ​ປ່ອຍ​ພັກ​ປະຊາຊົນ​ປະຕິວັດ​ລາວ​ຈຶ່ງ​ເຫັນ​ໄດ້​ຄວາມ​ສໍາ​ຄັນ​ຂອງ​ແມ່ຍິງ​ລາວ, ​ ​ຈຶ່ງ​ໄດ້​ຍົກ​ສູງ​ພາລະ​ບົດ ບາດ​ການ​ນໍາພາ​ຂອງ​ແມ່ຍິງ​ຢູ່​ໃນ​ເວທີ​ລະດັບ​ຊາດ​ກໍ່ຄື​ເວທີ​ສາກົນ.

ກອງ​ປະຊຸມ​ໄດ້​ດໍາ​ມາ​ເຖິງ​ເວລາ 10:30 ​ໂມງ​, ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 

LAST_UPDATED2
 
ກອງປະຊຸມບັ້ນດໍາເນີນຊີວິດການເມືອງປັບປຸງປົວແປງພັກ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ອັງຄານທີ່ 11 ກໍລິກົດ 2017 ເວລາ 13: 44

​​​ວັນ​ທີ 10 ​ກໍລະກົດ 2017  ​ເວລາ 8:30 ​ໂມງ, ຢູ່​ທີ່​ສະ​ໂມ​ສອນ​ວິທະຍາ​ໄລ​ຄູ​ປາກ​ເຊ, ​ແຂວງ ຈໍາປາ​ສັກ, ​ໄດ້​ມີ​ພິທີ​​ເປີດ​ກອງ​ປະຊຸມ​ເຊື່ອມ​ຊຸມ​ເອກະສານ​ປັບປຸງ​ປົວ​ແປງ​ທົ່ວ​ພັກ ໂດຍການ​ໃຫ້ກຽດເປັນ ປະທານພ້ອມ​ທັງ​ບັນ​ລະ​ຍາຍ​ເອກະສານຂອງ ສະຫາຍ ໜູ​ຈັນ ຈັນທະ​ພົງ ຄະນະ​ປະ​ຈໍາ​ພັກ​ແຂວງ, ປະທານ​ກວດກາ​ພັກ-ລັດ​ແຂວງ, ມີ​ຄະນະ​ພັກພະ​ແນ​ກການອ້ອມ​ຂ້າງ​​ແຂວງ, ພ້ອມ​ດ້ວຍ​ສະມາຊິກ​ພັກຂອງ 6 ຂະ​ແໜງ​ການ​ເຂົ້າ​ຮ່ວມ​ທັງ​ໝົດຢ່າງ​ພ້ອມພຽງ.

​ສະຫາຍ ໜູ​ຈັນ ຈັນທະ​ພົງ ຄະນະ​ປະ​ຈໍາ​ພັກ​ແຂວງ, ປະທານ​ກວດກາ​ພັກ-ລັດ​ແຂວງ, ​ໄດ້​ກ່າວ​ໄຂ​ກອງ​ປະຊຸມ​ໂດຍ​ໄດ້​ຊີ້​ໃຫ້​ເຫັນ​ຄວາມ​ຈໍາ​ເປັນ, ຄວາມ​ສໍາຄັນ​ຂອງ​ບັ້ນ​ປັບປຸງ​ປົວ​ແປງ​ພັກ​ ໃນ​ຄັ້ງ​ນີ້​ເພາະ​ເປັນ​ໂອກາດ​ທີ່​ດີ​ໃຫ້​ແກ່​ທົ່ວ​ຄະນະ​ພັກ​ຮາກ​ຖານ, ໜ່ວຍ​ພັກ​ຮາກ​ຖານ​ ໃນ​ການ​ເຊື່ອມ​ຊຸມ​ເອກະ ສານ​ເດັດດ່ຽວປັບປຸງ​ປົວ​ແປງ​ພັກ​ໃຫ້​ປອດ​ໃສ​ເຂັ້ມ​ແຂງ​ໜັກ​ແໜ້ນ ​ແລະ ​ເປັນ​ການ​ທົບ​ທວນຄືນ​ໃນ​ການຈັດ​ຕັ້ງ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ, ມະຕິ​ກອງ​ປະຊຸມ​ໃຫຍ່​ຄັ້ງ​ທີ່ VII ຂອງ​ອົງຄະ​ນະ​ພັກ​ແຂວງ.

ຕອນ​ທ້າຍ​ກອງ​ປະຊຸມ, ສະຫາຍ ໜູ​ຈັນ ຈັນທະ​ພົງ ຄະນະ​ປະ​ຈໍາ​ພັກ​ແຂວງ, ປະທານ​ກວດກາ​ພັກ-ລັດ​ແຂວງ, ​ໄດ້​ຮຽກຮ້ອງໃຫ້​ສະມາຊິກ​ພັກ​ທົ່ວຄະນະພັກຮາກ​ຖານ, ​ໜ່ວຍ​ພັກ​ຮາກ​ຖານ, ພ້ອມ​ກັນ​ເຊີດ​ຊູ​ຄວາມ​ຮັບຜິດຊອບ​ຂອງ​ຕົນ​ໃນ​ການ​ສໍາ​ຫລວດ​ກວດກາ​ຕົນ​ເອງ ​ແລະ ໝູ່​ຄະນະ​ດ້ວຍ​ຄວາມ​ຈິງ​ໃຈ​ເພື່ອ​ກໍ່ສ້າງ​ຄະນະ​ພັກ, ໜ່ວຍ​ພັກ​ໃຫ້​ມີ​ຄວາມ​ເຂັ້ມ​ແຂງ​ຮອບດ້ານ.

ບັ້ນ​ດໍາ​ເນີນ​ຊີວິດ​ການ​ເມືອງ​ປັບປຸງ​ປົວ​ແປງ​ພັກ​ຄັ້ງ​ນີ້​ຍັງ​ໄດ້ປ່ອນ​ບັດ​ທາ​ບທາ​ມຄວາມ​ໄວ້​ເນື້ອ​ເຊື່ອ​ໃຈ​ຕໍ່ການ​ນໍາພາ-ຊີ້​ນໍາ ຂອງ​ຄະນະ​ພັກ​ຮາກ​ຖານ, ໜ່ວຍ​ພັກ​ຮາກ​ຖານ​ຂອງ​ແຕ່ລະ​ຂົງ​ເຂດ.

ກອງ​ປະຊຸມ​ໄດ້​ດໍາ​​ເນີນມາ​ເຖິງ​ເວລາ 15:30 ​ໂມງ​, ຂອງ​ວັນ​ດຽວກັນກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 

 
ກອງປະຊຸມສະຫລຸບ6ເດືອນແລະທິດທາງ6ເດືອນທ້າຍປີ2017 PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 26 ມິຖຸນາ 2017 ເວລາ 11: 36

​​​ວັນ​ທີ 23 ມິຖຸນາ 2017  ​ເວລາ 8:30 ​ໂມງ, ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ເປີດ​ກອງ​ປະຊຸມ ສະຫລຸບ​ວຽກ​ງານ​ວິຊາ​ສະ​ເພາະ 6 ​ເດືອນ ​ແລະ ຜ່ານ​ທິດ​ທາງ 6 ​ເດືອນ​ທ້າຍ​ປີ 2017 ​ໂດຍ​ການ​ເປັນ​ປະທານຂອງ ທ່ານ ສຸປານີ ສີ​ລິປຸ​ນ​ໂຍ ກໍາມະກາ​ນພັກ​ແຂວງ, ຫົວໜ້າ​ພະ​ແນ​ກ ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ​ ມີ​​ທ່ານ ​ເຈົ້າ​ເມືອງ, ຮອງ​ເຈົ້າ​ເມືອງ, ຫ້ອງການ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ 10 ​ເມືອງ, ຄະນະ​ພັກ, ​ຄະນະ​ພະ​ແນ​ກ, ພະ​ແນ​ກການ​ຂອງ​ແຂວງ ​ແລະ ຂະ​ແໜງ​ການອ້ອມ​ຂ້າງ​​ພະ​ແນ​ກ ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ເຂົ້າຮ່ວມ​ທັງ​ໝົດ 41 ຄົນ,ຍິງ 05 ຄົນ.

​ກອງປະຊຸມໄດ້ຮັບຟັງການຜ່ານບົດສະຫຼຸບຜົນການຈັດຕັ້ງປະຕິບັດວຽກງານປະຈຳ 06 ​ເດືອນ​ຕົ້ນປີ  ແລະ ທິດທາງແຜນການປະຈຳ 06 ​ເດືອນ​ທ້າຍປີ 2017 ໂດຍ ທ່ານ ຈັນທະ​ບູນ ສີ​ປະ​ເສີດ ຮອງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ຍັງໄດ້ຮັບຟັງການລາຍງານຜົນການຈັດຕັ້ງວຽກງານທີ່ພົ້ນເດັ່ນຂອງບັນດາຂະແຫນງການອ້ອມຂ້າງພະແນກ, ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ ຫລັງຈາກນັ້ນ ບັນດາທ່ານຄະນະນຳຂອງເມືອງ ແລະ ແຂກທີ່ເຂົ້າຮ່ວມກອງປະຊຸມ  ກໍ່ໄດ້ປະກອບຄຳຄິດຄຳເຫັນຕໍ່ກອງປະຊຸມເພື່ອຄົ້ນຄ້ວາ ແລະ ປຶກສາຫາລືກ່ຽວກັບ ບັນຫາຕ່າງໆທີ່ເກີດຂຶ້ນໃນໄລຍະຜ່ານມາ ແລະ ມີການສະເຫນີວິທີການຈັດຕັ້ງປະຕິບັດໃນຕໍ່ຫນ້າ ເພື່ອໃຫ້ວຽກງານດັ່ງກ່າວ ໄດ້ຖືກປັບປຸງໃຫ້ມີປະສິດທິພາບ ແລະ ປະສິດທິຜົນສູງ.

ຕອນ​ທ້າ​ຍກອງປະຊຸມ​ໄດ້​ຮັບ​ຟັງ​ການ​ໂອ້​ລົມ​ຂອງ​ ທ່ານ ສຸປານີ ສີລິປຸນໂຍ  ກຳມະການພັກແຂວງ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ,​ໄດ້​ໃຫ້​ທິດ​ຊີ້​ນຳ ​​ບັນດາ​ ຫ້ອງການ ​ແລະ ​ຂະ​ແໜງ​ການ​ທີ່​ຂື້ນ​ກັບ,​ນຳ​ໄປ​ຜັນ​ຂະຫຍາຍ​ດັ່ງ​​ນີ້:

  1. ພ້ອມກັນສຸມໃສ່ນຳພາທາງດ້ານການເມືອງແນວຄິດ ເປັນໜ້າທີ່ຄວາມຮັບຜິດຊອບຂອງ ຄະນະນຳ ສະຫາຍສະມາຊິກພັກ, ພະນັກງານລັດຖະກອນທຸກຄົນຊື່ງຖ້າພະນັກງານບໍ່ເຂົ້າໃຈແນວທາງ, ກຳບໍ່ໄດ້ແຜນການ, ບໍ່ຮູ້ຄວາມຮັບຜິດຊອບກໍ່ບໍ່ສາມາດນຳພາ, ຄຸ້ມຄອງ ແລະ ຈະບໍ່ບັນລຸຄາດໝາຍ.

2.  ການຄຸ້ມຄອງ ການເຊົ່າ-ສຳປະທານ ທີ່ດິນລັດ ປັດຈຸບັນແມ່ນມີບັນຫາໝົດ 10 ຕົວເມືອງຊື່ງຜ່ານມາເຮົາລະດົມໃຫ້ເຊົ່າ, ໃຫ້ສຳປະທານ ແຕ່ຂອດການຄຸ້ມຄອງ, ຕິດຕາມ-ກວດກາ ແລະ ປະເມີນຜົນ ບໍ່ໄດ້ຈັດຕັ້ງປະຕິບັດຢ່າງເຄັ່ງຄັດຕາມກົດຫມາຍ,.

3.  ວຽກ​ງານການປົກປັກຮັກສາສິ່ງແວດລ້ອມໃຫ້ເອົາໃຈໃສ່ປ້ອງກັນແຕ່ຫົວທີ, ກ່ອນການອະນຸຍາດ ຄວນມີ​ການ​ສຶກສາຜົນ​ກະທົບ​ໃຫ້​ຫັດ​ກຸມ ​ແລະ ຊັດ​ເຈນ​ຢັ້ງຢຶນ​ໄດ້.

4. ຕ້ອງໄດ້ເອກະພາບກັນກັບບັນດາຂະແຫນງການທີ່ກ່ຽວຂ້ອງໃນການຈັດຕັ້ງປະຕິບັດ, ບໍ່ໃຫ້ເອົາຊ່ອງວ່າງກົດໝາຍມາເຮັດ, ເຮັດໃຫ້ຖືກກົດໝາຍ.

ກອງ​ປະຊຸມ​ໄດ້​ດຳ​ເນີນ​ມາ​ຮອດ​ເວລາ 12:00 ​ໂມງ, ຂອງ​ວັນດຽວກັນ, ກໍ່​ໄດ້​ຊິ້ນສຸດ​ລົງດ້ວຍ​ຄວາມ​ຈົບງາມ ແລະ ເປັນທາງການ​.

 

 
ພິທີເລື່ອນສະມາຊິກພັກສໍາຮອງຂຶ້ນສົມບູນ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 26 ມິຖຸນາ 2017 ເວລາ 11: 30

​​ວັນ​ທີ 15 ມິຖຸນາ 2017 ​ເວລາ 13:30 ​ໂມງ ຢູ່​ທີ່ຫ້ອງປະຊຸມ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ໜ່ວຍພັກຂະແໜງບໍລິຫານ​ແຜນການ-ການ​ເງິນ, ໜ່ວຍ​ພັກຂະ​ແໜງ​ທີ່​ດິນ​​ ​ແລະ ໜ່ວຍ​ພັກຂະ​ແໜງ​ສິ່ງ​ແວດ​ລ້ອມ ໄດ້​ຈັດ​ພິທີ​ເລື່ອນ​ສະມາຊິກ​ພັກສໍາຮອງ​ຂຶ້ນ​ເປັນ​ສະມາຊິກ​ພັກ​ສົມບູນ ພິທີ່​ດັ່ງກ່າວ​ໄດ້​ຮັບ​ກຽດ​ເປັນ​ປະທານຂອງ ສະຫາຍ ຄໍາ​ໃບ ວົງ​ຈະ​ເລີ​ນ ຮອງ​ເລຂາຄະນະພັກຮາກຖານ, ​ມີ​​ເລຂາຄະນະໜ່ວຍ​ພັກ, ທີ່​ຂຶ້ນ​ກັບ​ຄະນະ​ພັກ​ຮາກ​ຖານ, ພ້ອມ​ດ້ວຍ​ສະມາຊິກ​ພັກພາຍໃນ 3 ໜ່ວຍ​, ​ໃນ​ນັ້ນ​ມີ​ສະມາຊິກ​ພັກ​ສໍາຮອງ​ເລື່ອນ​ຂຶ້ນ​ສົມບູນ 4 ສະຫາຍ, ຍິງ 2 ສະຫາຍ, ມີ​ຜູ້ເຂົ້າ​ຮ່ວມ​ທັງ​ໝົດ 42 ສະຫາຍ,ຍິງ 12 ສະຫາຍ.

ຕອນ​ທ້າຍ​ກອງ​ປະຊຸມ​ຍັງ​ໄດ້​ຮັບ​ຟັງ​ການ​ໂອ້​ລົມ​ຂອງສະຫາຍ ຄໍາ​ໃບ ວົງ​ຈະ​ເລີ​ນ ຮອງ​ເລຂາຄະນະພັກຮາກຖານ, ກ່ອນ​ອື່ນ​ສະຫາຍ​ກໍ່​ໄດ້​ສະ​ແດງ​ຄວາມ​ຍໍ້​ຍ້ອງ​ຊົມ​ເຊີຍ​ຕໍ່ສະມາຊິກ​ພັກ​ສົມ ບູນ​ໃໝ່​ທີ່​ໄດ້​ຝຶກ​ຝົນ​ຫລໍ່ຫລອມ​ຕົນ​ເອງ​ຈົນ​ໄດ້​ເປັນ​ສະມາຊິກ​ພັກ​ສົມບູນ, ຈາກ​ນັ້ນ​ກໍ່​​ໃຫ້​ສະມາຊິກ​ພັກ​ໃໝ່​ເອົາ​ໃຈ​ໃສ່​ປະຕິບັດ​ຕໍ່​ແນວທາງ​ນະ​ໂຍບາຍ​ຂອງ​ພັກ-ລັດ, ຕັ້ງໜ້າ​ປະຕິ​ບັດ​ວຽກ​ງານ​ວິຊາ​ສະ​ເພາະ​ຂອງ​ຕົນ​ຕາມ​ການ​ມອບ​ໝາຍ​ຂອງ​ຂັ້ນ​ເທິງ​ໃຫ້​ສໍາ​ເລັດ​ຜົນ,

ກອງ​ປະຊຸມ​ໄດ້​ດໍາ​ເນີນ​ມາ​ເຖິງ​ເວລາ 15:30 ​ໂມງ​ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.

 

 
ພິທີຕອນຮັບແຂກຈາກກົມທີ່ດິນ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ອັງຄານທີ່ 13 ມິຖຸນາ 2017 ເວລາ 10: 17

​​​ວັນ​ທີ 9 ມິຖຸນາ 2017 ​ເວລາ 9:00 ​ໂມງ, ຢູ່​ທີ່​ຫ້ອງ​ປະຊຸມ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ຈໍາປາ​ສັກ, ​ໄດ້​ຕ້ອນຮັບການ​ມາ​ທັດສະນະ​ແລກ​ປ່ຽນບົດຮຽນ​ຂອງ​​ກົມ​ທີ່​ດິນ, ກະຊວງ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ, ນໍາພາ​ຄະນະ​ຈາກ​ກົມ​ທີ່​ດິນ​ໂດຍ ທ່ານ​ ອະ​ໂນ​ໄທ ຈັນທະ​ລາສີ, ຮອງ​ຫົວໜ້າ​ກົມ​ທີ່​ດິນ, ​ກະຊວງ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ ​​ໃນ​ພິທີ​ດັ່ງກ່າວ​ມີ​ຄະນະ​ພັກ,ຄະນະ​ພະ​ແນ​ກ, ຫົວໜ້າ,ຮອງ​ຂະ​ແໜງ​  ພາຍ​ໃນ​ພະ​ແນ​ກ ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມແຂວງ, ​​ເຂົ້າ​ຮ່ວມ​ທັງໝົດ 80 ກວ່າຄົນ, ຍິງ 50 ຄົນ.

​        ໃນ​ພິທີ່​ດັ່ງກ່າວ ທ່ານ ສຸປານີ ສີ​ລິປຸ​ນ​ໂຍ ກໍາມະການ​ພັກ​ແຂວງ, ​ເລຂາຄະນະ​ພັກ​ຮາກ​ຖານ, ຫົວໜ້າ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ຕາງໜ້າ​ໃຫ້​ຄະນະ​ພັກ, ຄະນະ​ນໍາພະ​ແນ​ກ​ໄດ້​ຂຶ້ນ​ກ່າວ​ຕອນ​ຮັບ​ແຂກ​ຢ່າງ​ມີ​ໄມຕີ​ຈິດ​ຊະ​ໜິດສະໜົມ, ຈາກ​ນັ້ນ​ທ່ານ ຄໍາ​ໃບ ວົງ​ຈະ​ເລີ​ນ ຮອງ​ຫົວໜ້າ​ພະ​ແນ​ກຊັບ​ກໍ່​ໄດ້ລາຍ​ງານ​ການຈັດ​ຕັ້ງປະຕິບັດ​ວຽກ​ງານ​ທີ່​ດິນ​ໃນ​ໄລຍະ​ຜ່ານ​ມາ​ໂດຍ​ສັງ​ເຂ​ບຕໍ່ທີ່​ປະຊຸມ, ຈາກ​ນັ້ນ, ບັນດາ​ທ່ານ​ຫົວໜ້າ​ພະ​ແນ​ກຂອງ​ກົມ​ພ້ອມ​ດ້ວຍ​ຂະ​ແໜງ​ການ​ຂອງ​ແຂວງ​ກໍ່​ໄດ້​ແລກປ່ຽນບົດຮຽນ​ການຈັດ​ຕັ້ງ​ກ່ຽວກັບ​ວຽກ​ງານ​ການ​ຂື້ນ​ທະບຽນທີ່​ດິນ, ການ​ສ້າງ​ສໍາມະ​ໂນ​ທີ່​ດິນ, ການ​ອອກ​ໃບ​ຕາດິນ ​ແລະ ວຽກ​ງານ​ຈັດ​ສັນ​ທີ່​ດິນ.

ກອງ​ປະຊຸມ​ໄດ້​ດໍາ​ເນີນ​ມາ​ເຖິງ​ເວລາ 11:30 ​ໂມງ, ກໍ່​ໄດ້​ຊິ້ນ​ສຸດ​ລົງ​ຢ່າງ​ເປັນ​ທາງ​ການ.

 

 
ສະເຫລີມສະຫລອງວັນສິ່ງແວດລ້ອມຄົບຮອບ45 ປີ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 05 ມິຖຸນາ 2017 ເວລາ 15: 53

​​ໃນຕອນ​ເຊົ້າ​ວັນ​ທີ 5 ພຶດສະພາ 2017 ​ເວລາ 6:00 ​ໂມງ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ໄດ້​ຈັດ​ພິທີ​ສະ​ເຫລີ​ມສະຫລອງ​ວັນສິ່ງແວດລ້ອມໂລກຄົບຮອບ 45 ປີ ດ້ວຍ​ການ​ຢ່າງ​ເພື່ອ​ສຸຂະພາບລວມ​ໄລຍະ​ທາງປະມານ 2000 ​ແມັດ,  ​ໃນ​ພິທີ​ນໍາພາ​ໂດຍການ​ເປັນ​ປະທານ ທ່ານ ສົມ​ສະໜິດ ບຸດ​ຕິ​ວົງ ຮອງ​​ເລຂາຄະນະ​ບໍລິຫານ​ງານພັກແຂວງ, ຮອງ​ເຈົ້າ​ແຂວງໆ ຈໍາປາ​ສັກ, ​ເຊີງ​ມີ​ພະ​ແນ​ກການ​ຂອງ​ແຂວງ, ປກຊ-ປກສ, ນັກຮຽນ​ຮູ້​ປັນຍາ​ຊົນ, ນັກທຸລະກິດ, ພໍ່ຄ້າ​ຊາວ​ຂາຍ ພ້ອມ​ດ້ວຍ​ພະນັກງານ​-ລັດຖະກອນ​ພາຍ​ໃນ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມແຂວງ, ​​ເຂົ້າ​ຮ່ວມລວມທັງໝົດ 200 ກວ່າຄົນ.

 
ອອກແຮງງານຕ້ອນຮັບວັນສິ່ງແວດລ້ອມໂລກ PDF ພິມ ອີເມລ
ຂຽນໂດຍ ບຸນພັກ ຈັນຫລ້ານ້ອຍ   
ມື້ຈັນທີ່ 05 ມິຖຸນາ 2017 ເວລາ 15: 38

​​ໃນຕອນ​ເຊົ້າ​ວັນ​ທີ 2 ພຶດສະພາ 2017 ​ເວລາ 6:00 ​ໂມງ ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ ຈໍາປາ​ສັກ, ​ຫ້ອງການ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ ເມືອງ ປາກເຊ ແລະ ບ້ານ ໂພນກຸງ  ໄດ້​ສ້າງ​ຂະ​ບວນການ​ອອກ​ແຮງ​ງານ​ອະນາ​ໄມ​ຕາມ​ເສັ້ນທາງແຄມຄອງ ລວມ​ໄລຍະ​ທາງປະມານ 500 ​ແມັດ, ເພືອຕອນຮັບວັນສິ່ງແວດລ້ອມໂລກຄົບຮອບ 45 ປີ, ​ໃນ​ງານ​ດັ່ງກ່າວ​ນໍາພາ​ໂດຍ ທ່ານ ສຸປານີ ສີລິປຸນໂຍ  ກໍາມະການພັກແຂວງ, ເລຂາຄະນະ​ພັກ​ຮາກ​ຖານ, ຫົວໜ້າ​ພະແນກຊັບພະຍາກອນທໍາມະຊາດ ແລະ ສິ່ງ​ແວດ​ລ້ອມ, ​ເຊີງ​ມີ​ສະມາຊິກ​ພັກ​ພະນັກງານ​ລັດຖະກອນ​ພາຍ​ໃນ​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມແຂວງ, ຫ້ອງການ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ​ ເມືອງ ປາກເຊ ແລະ ບ້ານ ໂພນກຸງ ​​ເຂົ້າ​ຮ່ວມລວມທັງໝົດ 100 ກວ່າຄົນ.

 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 2 of 22